Jıynǵa qatysýshylar Konstıtýsııanyń el damýyndaǵy róli men konstıtýsııalyq reformanyń Jańa Qazaqstandy qurýdaǵy mańyzdylyǵyn talqylap, ózderiniń belsendi azamattyq ustanymdaryn bildirdi. Elorda jastary kókeıkesti máselelerdi qozǵap, usynystaryn da jetkizdi.
Kezdesýge respýblıkalyq eriktiler front-ofısi jobasynyń úılestirýshisi Aıbek Dosymbetov, Qazaqstannyń ekologııalyq uıymdary qaýymdastyǵynyń memlekettik organdarmen baılanys jónindegi menedjeri Álisher Qumarǵalıev, Birgemiz respýblıkalyq volonterlik front-ofısiniń úılestirýshisi Perızat Qaıratqyzy, Qazaqstan stýdentteri alıansynyń atqarýshy dırektory Azat Teńgebaev sekildi belsendi jastar qatysty. Olar osy rette de elimizdiń qoǵamdyq-saıası ómirine belsene aralasatynyn dáleldep, jıynda oı-pikirlerin erkin bildirdi.
«Jastarǵa ózgerister men demokratııa qajet. Biz basqa býynbyz jáne táýelsiz elde ómir súrip jatyrmyz. Bostandyqtyń ne ekenin bilemiz jáne túsinemiz, óz áleýetimizdi, armanymyzdy júzege asyrý úshin bizge teń múmkindikter qajet. Osyǵan baılanysty Prezıdent bıylǵy Qazaqstan halqyna Joldaýynda túbegeıli jańa konstıtýsııalyq tepe-teńdikti qalyptastyrý mindetin qoıdy. Eldiń saıası júıesin jańartý men jańǵyrtý joly qoǵam men el ómirine jan-jaqty yqpal etedi, al Jańa Qazaqstan men Ekinshi Respýblıka jańa tásilderdi talap etedi. Osyǵan baılanysty barshańyzdy, ásirese, jastardy 5 maýsymda referendýmǵa baryp, Jańa Qazaqstan úshin daýys berýge shaqyramyn», dedi Azat Teńgebaev.
Qazaqstan halqy Assambleıasynyń «El birligi – jańarǵan Qazaqstannyń tiregi» atty HHHI sessııasynda Memleket basshysy Qasym-Jomart Toqaev Ata Zańǵa ózgerister men tolyqtyrýlar engizý jóninde respýblıkalyq referendým ótkizýdi usynǵan bolatyn. Jastar Memleket basshysynyń árbir bastamasyn onyń ishinde referendýmda qamtylǵan máselelerdi qoldaıtynyn biraýyzdan jetkizdi.
