Referendým-2022 • 22 Mamyr, 2022

Aǵa býynnyń aıtary bar

62 ret kórsetildi

Eldegi saıası ózgeristerdiń kóbine kýá bolǵan aǵa býyn ókilderi Memleket basshysynyń Ata Zańǵa ózgerister engizý bastamasy qajetti ári der kezinde qabyldanǵan sheshim dep esepteıdi. Respýblıkalyq «Ardagerler uıymynyń» kezekten tys IH sezinde qatysýshylar referendým aıasynda jalpyhalyqtyq daýys berýdiń mańyzdylyǵyn aıtyp, halyqty saıası sharaǵa belsendi qatysýǵa shaqyrdy.

Sezd jumysyna respýblı­kanyń 17 óńirinen delegattar, zııaly qaýym ókilderi, ardagerler qatysty. Sezd jumysyn júr­gizgen «Arda­ger­ler uıymy» respýblıkalyq qoǵamdyq birlestiginiń tóraǵasy Baq­ty­qoja Izmuhambetov Ata Zańnyń jańa jobasyndaǵy bas­ty mańyzdy ózgeristerge jeke-jeke toqtaldy. Atap aıtqanda, Senat pen Májilis depýtattaryn saılaýdyń jańa tártibi, Má­jilis saılaýyna aralas saı­laý júıesi, bir mandatty aýmaq­tyq saılaý okrýgi boıyn­sha saılanǵan Májilis depýtat­taryn saılaýshylardyń keri qaı­taryp alý, Senattyń Máji­lis qabyldaǵan zańdy maqul­daý nemese maquldamaý quqy­ǵy, jergilikti memlekettik bas­qarý jáne ózin ózi basqarý kepil­dik­teriniń kúsheıtilýi, ólim jaza­sy­nyń joıylýy, adam quqyq­tary jónindegi ýákildiń konstıtý­sııa­lyq mártebesiniń kúsheıtý týraly máseleler engenin atap ótti.

«Konstıtýsııany jalpyha­lyqtyq daýys berý arqyly ózger­tý – «Halyq únine qulaq asatyn memleket» tujyrymdamasyn tabysty júzege asyrýǵa jol ashady. Parlamenttiń róli kúsheıtilmek, halyqtyń senim mandatyna ıe bolǵan depý­tattarǵa joǵary jaýap­kershilik júk­teledi. Ulttyq qoǵamdyq senim keńesiniń ornyna Ulttyq quryltaı qurylady. Quryltaı eli­mizdi damytýdyń ózekti máse­le­lerin talqylaý úshin bılik pen halyqtyń arasyndaǵy dáneker bolady. Onyń quramyna elimizdegi barlyq aımaqtyń túrli sala ókilderi múshe bolady. «Memlekettik bıliktiń bir­den-bir qaınar kózi – halyq» degen prınsıptiń is júzin­de oryndalýynyń aıǵaǵy. Refe­ren­dým memlekettiń naqty ózgeris­terge bet burǵanyn kórsetedi», dedi B.Izmuhambetov.

Sonymen qatar ol Memle­ket basshysy Qasym-Jomart Toqaevtyń qabyldaýynda bolyp, ardagerlerge Prezıdenttiń sózin jetkizdi. «О́te jyly qabyl­daý boldy. Prezıdentke arda­ger­lerdiń jumysy týraly aıttym. Referendým bo­ıynsha eki baǵyt­ta jumys istep jatqanymyz­dy, birinshi – Konstıtýsııaǵa ózgeris en­gizý­diń mańyzdylyǵy týraly, ekinshi – ardagerler tur­ǵyndarǵa referendýmnyń mánin túsindirip, qatysýǵa bel­sen­dilik tanytýǵa shaqyryp ju­mys istep jatqanymyz týraly baıan­dadym. Áńgime barysynda bir­neshe usynysymdy jetkizip, ol boıynsha memlekettik organ­darǵa tapsyrma beretinin aıtty. Prezıdent óz tarapynan qo­­ǵamdyq jumystarda el arda­gerleriniń belsendilik kútetinin aıtty», dedi birlestik tóraǵasy.

О́z kezeginde Qazaqstannyń eńbek sińirgen qaıratkeri, Sena­torlar keńesiniń múshesi Jabal Erǵalıev qazaqstandyq qoǵamnyń saıası alańynda qyzý oıyn júrip jatqanyn alǵa tartty. «Qoǵam belsendiliginiń óse túsýine jyl basyndaǵy qańtar oqıǵasy áser etkeni daýsyz. El taǵdyry, táýelsizdik taǵdyry synǵa túsken kezde Memleket basshysy Q.Toqaev aldyńǵy sapta bolyp, Qazaqstannyń táýel­sizdigin saqtap qaldyq. Otyz jyl boıǵy qolamtany aqta­ryp jatqanymyz da tegin emes. Nege bar baılyǵymyz sanaý­ly adamdardyń qolyna tústi? Halyqtyń suraýy da, ta­lap qoıýy da oryndy. Jan al­qym­ǵa taqalyp, kedeıshilik pen joq­shylyq tıtyqtatýǵa aınalǵan halyq alańǵa shyǵýǵa májbúr boldy. Prezıdent Qasym-Jomart Toqaev ádiletti qoǵam ornatý ıdeıasyn ortaǵa tasta­dy. Referendýmdy óz basym halyqpen kelisip sheshý dep bilemin. Prezıdentimizdi, onyń júr­gizip otyrǵan saıasatyn qol­da­ıyq! Syn saǵatta turǵany­myz­dy umytpaıyq!», dedi ardager.

Is-sharaǵa onlaın qosylǵan óńirlerdegi ardagerler de pikir­lerin aıtyp, saıası naýqanǵa qoldaý bildirdi. «Aǵa býyn Prezı­denttiń elimizdi jaılaǵan sybaılas jemqorlyqqa qarsy baǵyt­talǵan batyl sharalaryn úlken rızashylyqpen qabyl­dap jatyr.

Qyzylorda oblysy arda­ger­leriniń atynan sóz tizginin alǵan óńirlik keńes tóraǵasy S.Dúı­senbaev Konstıtýsııa boıyn­sha halyq kókeıinde júr­gen kóp máseleniń kún tárti­bine shyqqanyn atap ótti. «Sýper­prezıdenttik basqarý úlgisi­nen prezıdenttik res­pýblı­kaǵa kóshý óz sheshimin taba­tyn boldy. Endi eldi basqarý isine halyqtyń qa­tysý múmkin­digin keńeıedi. De­­pýtattar saı­laýyndaǵy ózge­ris­ter de halyq pen ókiletti or­gan­nyń arasyndaǵy baıla­nys­ty, sonyń ishinde keri baılanysty kúsheıtpek», dedi ol. Ardager sózinde azamat­tar­dyń quqyqtaryn qorǵaý tásil­derin jetildirý de, Konstıtý­sııa­lyq sot qurý jáne Konstıtý­sııa­lyq baqylaý jasaý ınstı­týtyn jańartý jaıynda da oı-pikirin ortaǵa saldy.

Sezd sońynda ardagerler eldiń árbir azamaty Konstıtý­sııaǵa ózgerister engizý týraly óz pikirin bildirýge quqyly eke­nin aıtyp, Qazaqstan hal­qyn búkilhalyqtyq referendým­dy qoldaýǵa shaqyrǵan ún­deýin ja­rııalady. Sonymen qatar «Ar­dagerler uıymy» respýblıkalyq qoǵamdyq birlestiginiń jańadan qurylǵan Abaı, Jetisý, Uly­taý oblystarynda fılıaldary qurylatyn boldy. Búgin­de ar­da­gerlerdiń ortalyq keńe­sin­de jáne barlyq 17 óńirdegi fı­lıal tóraǵalarynyń uıym­das­tyrýymen referendýmdy qo­ǵamdyq qoldaý shtabtary qu­rylyp, jumys isteýde. Top­qa jergilikti óńirge tany­mal, mem­­leket jáne  qoǵam qaırat­ker­­leri, elge syıly ardagerler ju­myl­dyryldy. Olar konstı­tý­sııa­lyq reformalardyń negizgi ere­jelerin turǵyndarǵa keńinen túsindirýdi qolǵa alǵan.

Sońǵy jańalyqtar

Dollar arzandady

Qarjy • Keshe

Uqsas jańalyqtar