Referendým-2022 • 24 Mamyr, 2022

52 elde 65 ýchaskelik komıssııa quryldy

28 ret kórsetildi

Qazaqstandyqtar 52 shet memlekette 5 maýsym kúni ótetin referendýmǵa qatysa alady. Sheteldegi el ókildikteri janynan 65 ýchaskelik komıssııa qurylǵan. Bul jóninde Syrtqy ister mınıstrligi resmı saıttarynda habarlady.

«QR sheteldegi mekeme­lerinde daýys berý «Qazaqstan Respýblıkasyndaǵy saılaý týraly» QR Konstıtýsııalyq zańynyń 38-babynyń 1-tarmaǵyna sáıkes referendým ótkiziletin kúni (2022 jyl­ǵy 5 maýsym) jergilikti ýaqyt boıynsha saǵat 07:00-den 20:00-ge deıin ótkizile­tin bolady. Sonymen birge, sheteldegi saılaý prosesin ýaqtyly jáne tolyqtaı da­ıyndaý maqsatynda Qazaqstan Respýblıkasynyń azamattaryn jaqyn mańdaǵy saılaý ýchaskesine aldyn ala ha­bar­lasyp, saılaýshylar tizi­mine engizý úshin málimet berý­lerin suraımyz, delingen Mı­nıstrlik habarlamasynda.

Daýys berýge saılaý quqy­ǵy bar, tıisti shet memleket­te turatyn nemese jeke, qyzmettik, iskerlik, týrıstik maqsatpen júrgen jáne QR azamatynyń jaramdy pasporty bar Qazaqstan Respýb­lıka­synyń azamattary ýchas­kelik komıssııa qurylǵan Qazaq­stannyń dıplomatııalyq ókil­digine júgine alady.

Elý eki eldegi ýchaskelik saılaý komıssııalarynyń nómirleri men meken-jaılary Syrtqy ister mınıstrliginiń resmı saıtynda ornalasqan.

Sońǵy jańalyqtar

Dollar arzandady

Qarjy • Keshe

Uqsas jańalyqtar