Referendým-2022 • 24 Mamyr, 2022

Erteńge degen senimdi oıatady

47 ret kórsetildi

О́ńirlik kommýnıkasııalar qyz­metinde jalpyhalyq­tyq re­ferendýmǵa baılanys­­ty ­dóń­gelek ústel ótip, oǵan Par­lament Senatynyń depýtaty, re­fe­rendýmǵa baı­lanysty quryl­ǵan res­pýblıkalyq shtab múshesi Murat Baqtııaruly, BAQ ókil­deri qatysty.

Konstıtýsııaǵa engizile­tin óz­gerister men tolyqtyrý­lar­dyń ma­ńyz­dylyǵy aıtylǵan jıynda senator halyqtyń bul saıası naýqannan úlken úmit kútip otyrǵanyn aıtty.

– Memleket basshysy naý­ryz aıyndaǵy Joldaýynda saıası re­formanyń ózgeretinin jáne ekono­mıkalyq turǵydan naqty áreket­ter júrgiziletinin aıtqanyn bile­sizder. Sonyń basty qadamy – osy Kons­tıtýsııadaǵy ózgeris. Men osy óz­geristerdi úshke bólip aıtar edim. Onyń alǵashqysy – bılik tar­maǵy ara­syn­daǵy qarym-qatynasty ońtaı­landyrý. Ekinshisi – azamattardy memlekettik bılikke tartý, aralastyrý. Úshinshi bóligi – adam jáne adam quqyqtary. Endi «Bul ózgeristerge el qalaı qaraıdy?» degenge keleıik. Jer-jerde ótkizilip jatqan kezdesýlerde jurtshylyq­­tyń jańarýǵa degen umtyly­sy baı­qalady, – dedi Murat Baqtııaruly.

Ata Zań tarıhyn saralaǵan senator 1993 jylǵy 28 qańtarda qabyl­dan­ǵan Konstıtýsııanyń ereksheli­gine toqtaldy. Biraq kóp bılikti Par­lamentke bergen sol Konstıtýsııadan keıin zańdardyń qabyldanýy qıyn­dady. Senator zańdardyń alty aı, 1 jylǵa deıin aıtys-tartysqa túsip qabyldanýy, keshigýi saıası-ekonomıkalyq júıege qatty áser ete basta­­ǵa­nyn ashyq aıtty.

Murat Baqtııaruly qazirgi Kons­tıtýsııa da alǵashqy jyldary naryq talabyna saı zańdar shyǵýyna negiz bolyp, ol ekonomıkamyzdy alǵa jyl­­jytqanyn atap ót­ti. Biraq keıin­nen kúsheıgen pre­zıdenttik bılik, Par­lament qabyldaǵan konstı­týsııalyq reformalar saıası júıeniń damýyn tejedi.

– Halyq pen bılik arasynda senim bolǵanda ǵana qoǵam alǵa basady. Mysaly, Prezıdent­tiń eki merzimge ǵana saılanýy, onyń jaqyn týystarynyń laýazymdy qyzmetterge taǵa­ıyndalýyna toqtaý qo­ıylýy – el kútken jańa­lyq. Negizgi Zańdaǵy basqa da ózge­ris­ter azamattarymyzdyń erteń­ge degen senimin oıatady, – dedi senator.

 

Qyzylorda

Sońǵy jańalyqtar

Dollar arzandady

Qarjy • Keshe

Uqsas jańalyqtar