Referendým-2022 • 24 Mamyr, 2022

Bolashaq zańgerlermen kezdesti

40 ret kórsetildi

Qazaqstan Joǵary oqý oryndary qaýymdastyǵynyń bastamasymen referendýmdy qoldaý jónindegi respýblıkalyq shtab músheleri bolashaq zańgerlermen kezdesti. Qoǵam qaıratkerleri jastarǵa konstıtýsııalyq reformalardyń ózektiligin túsindirdi.

Is-sharaǵa M.S.Nárikbaev atyn­daǵy Qazaq memlekettik zań ýnıver­sıtetiniń stýdentteri, oqý or­dasynyń professorlyq-oqytý­shylar quramy jáne Joǵary oqý oryndary qaýymdastyǵynyń músheleri qatys­ty. Kezdesý kezinde talqylanǵan ne­giz­gi taqyryp – Memleket basshysy Qasym-Jomart Toqaevtyń reformalary, sondaı-aq aldaǵy referendýmdy ótkizýdiń mańyzy týraly boldy.

Moderator, ýnıversıtettiń quqyq joǵary mektebiniń professory Indıra Áýbákirova aldymen qatysýshylardy Konstıtýsııaǵa qandaı ózgerister engizilgeninen habardar etti. «Elimiz Prezıdentiniń bastama­symen qolǵa alynǵan, Kons­tı­týsııaǵa usynylatyn túzetýler boıynsha aldaǵy referendým saıa­sı reformalardyń mańyzdy kezeńi bolyp tabylady. Bıylǵy jyl­dyń 5 maýsymynda bizdiń bárimizge eli­mizdegi demokratııalyq ózgeris­ter­diń usynylǵan baǵyttary boıynsha beriletin jaýapty tańdaý jasaý kerek bolady», dedi ol.

Jalpyhalyqtyq daýys berý arqyly júzege asyrylatyn ózgeris­terdiń qatarynda – Konstıtýsııa jobasynda, Senat pen Májilis depý­tattaryn saılaýdyń jańa tár­tibi, aralas saılaý júıesi, jergi­likti memlekettik basqarý jáne ózin-ózi basqarýdyń tetikteri, ólim jazasynyń joıylýy sekildi máseleler qarastyrylǵan. Sonymen qatar saıası partııalardy tirkeý joldary naqtylanǵan. Máselen, partııa qurý úshin bastamashyl azamattar tobynyń eń az sanyn 1 000-nan 700 adamǵa deıin qysqartý; partııalardy tirkeý úshin qajetti shekti deńgeıdi 20 myńnan 5 myń adamǵa deıin tómendetý; partııalardyń óńirlik ókildikteriniń eń az sanyn 600-den 200 adamǵa deıin azaıtý kózdelip otyr.

Stýdent jastarmen kezdesýde «Turan-Astana» ýnıversıtetiniń rektory, Nur-Sultan qalasy más­lıhatynyń depýtaty Gúljamal Japarova elimizde referendým 1995 jyldan beri ótkizilmegenin atap ótip, osy jolǵy Konstıtýsııalyq jo­ba­daǵy úlken ózgeristerdi, onyń ishin­­de sýperprezıdenttik basqarý ny­­sanynan klassıkalyq túrdegi pre­­zı­denttik basqarý júıesine kóshý se­kildi mańyzdy máselelerdi atap ótti.

О́z kezeginde Eýropalyq quqyq jáne adam quqyqtary saraptamalyq ınstıtýtynyń dırektory Marat Bashımov aldaǵy referendýmnyń jáne Konstıtýsııaǵa engiziletin ózgeris­terdiń mańyzdylyǵyn qo­ǵamda, onyń ishinde eńbek ujym­daryn­da ashyq pikir almasý, túsin­dirý jumystarynyń qarqyndy júrgiz­ilýi qajet ekenine basymdyq berdi. «Azamattar memlekettik bılikti atqarýǵa jáne de ózderiniń quqyqtary men bostandyqtaryn qorǵaý maqsatynda berilip otyrǵan múmkindikterdiń mánin tereń túsine otyryp, referendýmǵa belsene qatysady dep senemin», dedi ol.

Sońǵy jańalyqtar

Dollar arzandady

Qarjy • Keshe

Uqsas jańalyqtar