Atalǵan kezdesýlerge RATT múshelerinen (teologtar, dintanýshylar) – Qojahmetova T.Z., Uzaqbaeva L.E., Nurǵalıeva D.K., Bısembaeva R.B., Danaeva. N.M. tartyldy.
RATT músheleriniń qatysýymen Aqtóbe qalasynyń, Qaraýylkeldi aýyldyq okrýginiń, Muǵaljar aýdanynyń dindar áıelderimen, Baıǵanın aýdandyq tehnıkalyq kolledjiniń, Muǵaljar gýmanıtarlyq-tehnıkalyq kolledjiniń, Qandyaǵash ónerkásiptik-ekonomıkalyq kolledjiniń jáne Aqtóbe qalasynyń «Sholpy» áıelder klýbynyń stýdentterimen, Shubarqudyq aýyldyq okrýginde destrýktıvti dinı aǵymdardyń ókilderimen, «Qunan» mektep-lıseıiniń muǵalimderimen, «Aqjar» qaıyrymdylyq qorynyń eriktilerimen kezdesý is-sharalary uıymdastyryldy.
О́tkizgen is-sharalarda óńirlerdiń turǵyndaryna Qazaqstanda turatyn barlyq konfessııalar men etnostardyń beıbit ózara is-qımyly men qatar ómir súrýine, Qazaqstan halqynyń mádenıeti men rýhanı murasyna, destrýktıvti jalǵan dinı jáne radıkaldy ıdeıalardyń zııandylyǵyna baǵyttalǵan din salasyndaǵy memlekettik saıasattyń máni týraly aqparattar berildi.
Sarapshylar dinniń rýhanı-adamgershilik quramdas bóligi máselelerine, qazirgi qazaqstandyq qoǵamdaǵy áıelderdiń róli men áleýmettik mártebesin arttyrýǵa, sondaı-aq destrýktıvti dinı aǵymdardyń áserine qarsy turý sharalaryna erekshe nazar aýdardy.
Tyńdaýshylar tarapynan da RATT múshelerine birqatar suraq qoıylyp, tushymdy jaýaptar alyndy.
Máýken N.J,
JK «Nurjan» basshysy
