Úkimet • 24 Mamyr, 2022

Egistik sýynyń 40 paıyzy dalaǵa ketip jatyr – Álıhan Smaıylov

20 ret kórsetildi

Búgin Úkimet otyrysynda Premer-mınıstr Álıhan Smaıylov ákimderge sý sharýashylyǵy salasyn durystap sıflandyrý men avtomattandyrýdy tapsyrdy, dep habarlaıdy Egemen.kz.

Premer-mınıstrdiń aıtýynsha, qazir sý sharýashylyǵy nysandaryn sıfrlandyrý men avtomattandyrýdyń jol kartasy da bar. Biraq, sheneýnikter men osy saladaǵy mamamandardyń salǵyrttyǵynan egistikterge tartylatyn sýdyń 40-y dalaǵa ketip jatqan kórinedi.

«Aýyl sharýashylyǵyna arnalǵan sýdyń nebári 60 paıyzy ǵana egis alqaptaryna deıin jetedi. Qalǵan bóligi ınfraqurylymnyń nasharlyǵynan dalaǵa ketedi», dedi Álıhan Smaıylov.

Onyń aıtýynsha, sýdy únemdemese, Qazaqstannyń ońtústik óńirleri kóp uzamaı sý tapshylyǵyna tap bolady.

«Qazaqstandaǵy 8 sý sharýashylyǵy basseıniniń 7-eýi bastaýyn transshekaralyq ózenderden alady. Iаǵnı, ózen sýlarynyń teń jartysyna jýyǵy syrttan keledi. Sarapshylar 2040 jylǵa qaraı Qazaqstanda sýdy tutyný kólemi 56 paıyzǵa deıin ósedi dep boljap otyr. Sý tapshylyǵy jylyna 12 tekshe shaqyrymǵa deıin jetýi yqtımal. Onyń ústine biz Qazaqstandaǵy ózenderdiń tartylyp bara jatqanyn kórip otyrmyz. Bul aldaǵy ýaqytta elimizdiń ońtústik óńirleri sý tapshylyǵynyń zardabyn tartady degendi bildiredi», dedi ol Úkimet otyrysynda.

О́z kezeginde Aýyl sharýashylyǵy mınıstri Erbol Qarashókeev bul máseleni sheshý úshin sharýalardy yntalandyrý baǵdarlamasy bar ekenin alǵa tartty.

«Sýarmaly eginshilikti damytý sýarýdyń sý únemdeý tehnologııalaryn keńinen engizý arqyly qamtamasyz etiledi. Máselen sharýalardy zamanaýı sý únemdeý tehnologııalaryn qoldanýǵa yntalandyrý maqsatynda zamanaýı sýarý júıesin satyp alýǵa jáne qajetti búkil ınfraqurylymdy júrgizýge jumsalǵan shyǵyndardyń 50% óteýdi kózdeıtin ınvestısııalyq sýbsıdııalaý túrindegi memlekettik qoldaý bar. Bul maqsattar úshin oblystardyń ótinimderi boıynsha bıyl 268 jobany iske asyrylady, oǵan 16,6 mlrd teńge kózdelgen», dedi Qarashókeev.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar