Oqý jylyn aıaqtaǵan balalar endi jazǵy demalysty tıimdi ótkizýdiń qamyna kiristi. Qýanysh pen shattyqqa toly umytylmas estelikter qaldyratyn jazǵy lager oqýshylar úshin taptyrmas múmkindik.
Al, jazǵy demalys lagerlerine tegin barý múmkindigin áleýmettik az qamtylǵan otbasy balalarynyń 61%-y, erekshe bilim qajettiligine muqtaj balalardyń 64%-y, túrli salada jetistikke jetken oqýshylardyń 78% jáne devıantty tárbıedegi balalardyń 82%-y alady. Sonymen qatar tegin demalý quqyǵy:
- ataýly áleýmettik kómek alýǵa quqyǵy bar otbasylardan shyqqan balalarǵa;
- jan basyna shaqqandaǵy tabysy eń tómengi kúnkóris deńgeıi tómen otbasylardan shyqqan balalarǵa;
- jetim balalarǵa, ata-anasynyń qamqorlyǵynsyz qalǵan balalarǵa;
- tótenshe jaǵdaılar saldarynan shuǵyl járdemdi talap etetin otbasylardan shyqqan balalarǵa;
- mekteptiń qamqorshylyq keńesi anyqtaıtyn ózge de sanattaǵy bilim alýshylar men tárbıelenýshilerge beriledi
Bul joldamaǵa ıe bolý úshin atalǵan sanattaǵylar bilim berý uıymynyń atyna ótinish jazýy kerek. Qajetti qujattar tizimin sol mekemeden bilýge bolady.
«Balalardyń jazǵy demalysyn uıymdastyrý ári joldama berý jergilikti atqarýshy organdar quzyretinde jáne olardyń qarajatyna baılanysty úlestiriledi. Jazda 11 myńnan astam mektep janyndaǵy ári qala syrtyndaǵy saýyqtyrý lageri jumys isteıdi. Bıyl ótken jylmen salystyrǵanda 500 myńǵa artyq bala lagerde demalady. Al jazǵy saýyqtyrý demalysymen qamtylatyn balalardyń jalpy sany 2 mln 300 myńnan asady», deıdi Elına Paýlı.
Respýblıka boıynsha 18 joǵary bilim uıymy 1306 balaǵa ár túrli baǵytta lagerler uıymdastyrady. 7 lager men 2 jatyn orny joǵarǵy bilim uıymdary esebinen, 8 lager ata-analardyń qarajatynan jáne 1 lager kásipodaq atynan bolmaq.
Saltanat Kenjebaı
