Rýhanııat • 02 Maýsym, 2022

Senim qazyna-baılyqtan da artyq

704 ret kórsetildi

Boıyn kúdik pen úreı bılegen adam bireýdiń basyna túsken jaǵdaıyn túsinip, olarǵa qıyndyqtan qutylýǵa kómektese ala ma? Joq, árıne. Týyndaǵan osyndaı máseleni sheshý úshin kisige aldymen qýat kerek, jaqsy kóńil kúı qajet. Ondaı adamnyń ishki jan dúnıesinde áldebir kúızelistiń bolmaǵany abzal.

Mundaı jaǵdaıdyń paıda bolýyna adamnyń menmendigi men órkókirektigi sebep bolady. Mundaıda ol bárin túsine tura, eshteńe isteı almaıtynyn, istegisi de kelmeıtinin syltaýratyp, jumystan jaltarýdyń amalyn izdep, qorqynyshtyń qandaı da bir túrin oılap tabýǵa tyrysyp, ony óz yńǵaıyna qaraı túsindirgisi keledi.

«Qoryqqanǵa qos kórinedi», degendeı qoryqqanynan adam eshteńeni túsinbesi anyq. Ol emosııaǵa beriledi. Bul adamdy resýrssyz kúıge dýshar etetindikten, siz bul kúıden shyǵa almaıtyndaı jaǵdaıǵa túsesiz. О́ıtkeni janyńyzdy jegideı jep otyrǵan ishtegi jańaǵy egońyz sizge jumys istetpek túgil, ol týraly durys oılaýǵa da jol bermeıdi. Buǵan adamnyń ózi kináli, óıtkeni ol dál osyndaı dúnıeni óz qolymen jáne ózi úshin jasap otyr. Onyń ústine, ol osy «jaılylyq pen qolaılylyq aımaǵynan» shyǵýǵa yńǵaı tanytpaıdy. Maqtanshaqtyq pen tákapparlyq adamǵa muny isteýge múmkindik bermeıtindigi aıtpasa da túsinikti. Munyń barlyǵyn tek «kóz qorqaq, qol batyr», degen ustanymmen ómir súretinder ǵana uǵady.

Osyǵan baılanysty ómirge degen senim adam úshin úlken motıvasııa bolady.

Qorqynysh pen kúmánǵa boı aldyrǵan adam basqaǵa birdeńe berý degendi múldem bilmeıdi. Ondaı adamnyń boıyndaǵy qýat kimge jetsin. Olaı bolsa, adamnyń transformasııalanýy onyń oǵan qanshalyqty dárejede daıyn ekendigine baılanysty. Eger ol bul máseleni basymen qabyldar bolsa, onda problema týyn­daıdy. О́ıtkeni adamnyń mıy óziniń ne isteı alatynyn, neni isteı almaıtynyn túsine bermeıdi. Adam boıyndaǵy tutastyqtyń bolmaýy ishki dúnıeni osylaı bólshekteýge ákelip, ol osy sátten bastap boıyndaǵy kúshin joǵalta bastaıdy. Al eger adamnyń ishki birligi bolǵan kezde ol eshkimdi bólip-jaryp, ajyratpas edi. Aınalasyna adamsha kóz salar edi. Barlyq adamdarǵa adam retinde birdeı qarap, olardy alalamas edi. Osylaı bolǵanda ǵana adamnyń ómirlik jolynyń tereń mánin ishki júıelilik pen táńirlik negizinde túsinýge bolady. Demek, ishi bútin adam ǵana jaqsy adam bola alady. Endeshe, osylardyń barlyǵyna tótep berý úshin úlken senim qajet. О́ıtkeni senimsiz ıman bolmaıdy, al senim joǵalǵan ómir – sergeldeń ómir. Menmendikten arylý úshin kez kelgen isti shúkirshilik, súıispenshilikpen qabyldap, senim jáne qýanyshpen jasaý kerek. Sonda ǵana taza bolasyń. Osyndaı kúı keshý arqyly aspan men jerdiń energııasyn baılanystyryp, basqalarǵa qýat berýge bolady. Sondyqtan sanada sandyraq emes, aıqyndyq bolýy shart. Adamnyń ıntýısııasy – onyń ishki daýysy. Ol shyn júrekten shyǵady. Júregi taza adam qııanatqa barmaıdy. Bul adaspaýdyń jáne durys joldy tabýdyń kepili bolmaq. Sáttilik anyqtyq bolǵan kezde keledi. Bul jerde bastaǵy jattandy mátinderdiń «myqtylyǵy» emes, shyǵarmashylyq pen kóregendik kerek. Oǵan bekerden-beker boıyńdaǵy qýatyńdy jumsap, ysyrap qylýdyń qajeti shamaly. Kez kelgen iske qyzyǵýshylyqpen qaraǵan jón. Bul jaqsy is bolǵandyqtan sen ony mindetsinbeı, jeke basyńdy dáriptep, upaı izdep, kez kelgen isten paıda dámetpeı kirisseń oǵan sharshamaısyń. Jaratýshy barlyǵyna birdeı meıirimdi bolǵandyqtan, ol aq tilekpen adamnyń boıyna meıirimdilik, janashyrlyq jáne mahabbat syılaıdy. Demek, tilegi aqtyń – isi haq. Olaı bolsa, adamnyń áreketteri syıaqy alý maqsatyndaǵy mindettilikpen emes, kerisinshe, ekologııalyq taza nıetpen iske asyrylýy qajet. О́ıtkeni árbir nıet kúsh-qýatty qajet etedi. Kez kelgen oı – mindetti túrde ónetin dán. Árkim armanyn oryndaý úshin sıqyrshyny kútpeı-aq, óz ómiriniń qojasy bolǵany abzal.

Adamnyń basty qundylyqtary onyń bolmysyn aıqyndaıtyn ortalyq bolǵandyqtan, ol onyń kim ekenin kórsetedi jáne durys sheshim qabyldaýǵa kómektesedi. Sondyqtan qundylyqtardy naqty anyqtaý arqyly adam óziniń jeke etıkasyna adal bolýǵa múmkindik alady. Sondaı-aq oǵan tulǵa retinde ósýge septigin tıgizetin maqsattardy durysyraq qoıýǵa jaǵdaı týady. Maqsatty anyqtaý – bul qanaǵattanarlyq ómir súrý úshin biregeı daǵdylar men qajettilikterdi paıdalaný jolyn tabý degen sóz. Maqsattarmen olarǵa qol jetkizý josparlary azamatqa ári qaraı ne isteý kerektiginiń durys baǵytyn tabýǵa múmkindik beredi. Ol sonymen qatar adamǵa mańyzdy degen nárselerge nazar aýdaryp, maqsattarǵa jetýge jaǵdaı jasaıdy.

Sońǵy jańalyqtar

Shekaranyń shebi berik

Qazaqstan • Keshe

1,1 mln gektar jer qaıtaryldy

Qazaqstan • Keshe

Kúre jolda kóp ózgeris bar

Aımaqtar • Keshe

Baqyt mınıstrligi

Qoǵam • Keshe

Elektr jelileri tozyp tur

Ekonomıka • Keshe

Shyǵyn kóbeıse, tarıf ósedi

Ekonomıka • Keshe

Ult ustazynyń ulaǵaty

Ahmet Baıtursynuly • Keshe

«Qylmysker» qalam

О́ner • Keshe

Bethovenniń ómiri

О́ner • Keshe

Ulttyq oıyndar – qundy muramyz

Ulttyq sport • Keshe

Alan alǵan 15-shi júlde

Tennıs • Keshe

Uqsas jańalyqtar