TMD Baıqaýshylar mıssııasynyń basshysy, TMD Atqarýshy komıteti tóraǵasynyń birinshi orynbasary – Atqarýshy hatshy Leonıd Anfımov, TMD baıqaýshylary referendýmnyń 865 ýchaskesine baryp baıqaý júrgizgenderin atap, daýys berý prosesi ashyq uıymdastyrylǵanyn málimdedi. «Ulttyq jáne halyqaralyq baıqaýshylarǵa daýys berý prosesin baıqaý úshin qajetti jaǵdaılar jasalǵan. Referendým ýchaskeleri aqparattyq materıaldarmen jáne qajetti jabdyqtarmen jaraqtandyrylǵan. Referendým joǵary uıymdastyrýshylyq deńgeıde ótti, qoldanystaǵy zańnamaǵa sáıkes saıası naýqandy uıymdastyrýshylar azamattardyń erkin bildirý quqyǵyn iske asyrý úshin tıisti jaǵdaılardy qamtamasyz etti», dedi Leonıd Anfımov.
Atap ótsek, Mıssııa quramynda barlyǵy 144 baıqaýshy bar bolsa, olardyń 6-ýy uzaq merzimdi negizde jumys istedi.
Sonymen qatar, TúrkPA baıqaýshylar delegasııasy da referendým komıssııalarynyń tıisti resýrstarmen tolyq qamtamasyz etilgenin jáne mundaı saıası is-sharalardy ótkizýge kásibı turǵyda daıyndalǵanyn atap kórsetti.
О́z kezeginde Ortalyq referendým komıssııasynyń tóraǵasy Nurlan Ábdirov referendýmdy baıqaýǵa qatysqan shet memleketter men halyqaralyq uıymdardyń ortalyq saılaý organdarynyń ókilderine alǵysyn aıtty. Sonymen qatar ol halyqaralyq uıym ókilderiniń referendýmdy baıqaýǵa qatysýy onyń bedelin arttyratynyn jáne bul elimizde ótken saıası naýqannyń jarııalylyǵy men ashyqtyǵyna kepil bolatynyn, onyń ishinde ShYU óńirdegi ǵana emes, jalpy álemdegi bedeldi jáne qarqyndy damyp kele jatqan uıymdardyń biri bolyp tabylatynyn atap ótti. Baspasóz konferensııasynda ORK basshysy Túrkitildes elderdiń Parlamenttik Assambleıasynyń ózara is-qımyldy keńeıtýge qyzyǵýshylyq tanytyp otyrǵanyn quptaıtynyn da málimdedi.
