Saılaý komıssııasynyń habarlaýynsha, Qazaqstannyń negizin qalaýshy kóshbasshy Nursultan Nazarbaevtyń Ortalyq Azııadaǵy eń baı eldegi otyz jyldyq bıligin aıaqtaǵan tártipsizdikterden keıin referendýmda qazaqstandyqtardyń basym kópshiligi konstıtýsııalyq ózgeristerdi qoldap daýys berdi. «Referendým ótti dep sanaýǵa bolady», dedi dúısenbi kúni Ortalyq referendým komıssııasynyń tóraǵasy Nurlan Ábdirov. Saılaýshylardyń 77 paıyzy sheshimdi qoldaǵanyn kórsetken aldyn ala nátıjelerge silteme jasaǵan ol jeksenbi kúngi referendýmǵa saılaýshylardyń 68 paıyzdan astamy qatysqanyn habarlady.
69 jastaǵy Toqaev kezekten tys referendýmdy «sýperprezıdenttik» basqarýdan shyǵý dep atady. Zańdaǵy eń kórnekti ózgeris – 81 jastaǵy Nazarbaev úshin erekshe artyqshylyqtardyń joqtyǵy bolyp otyr. Aıtyp ótsek, Nazarbaev prezıdenttik qyzmetinen ketkennen keıin de «Elbasy» nemese «Ult kóshbasshysy» degen konstıtýsııalyq ataǵyn saqtap qaldy, bul ról onyń resmı laýazymyna qaramastan saıasatty qalyptastyrýǵa yqpal etti. Al jańa Konstıtýsııa bul mártebeni joıady. Taǵy bir túzetý prezıdenttiń týystarynyń memlekettik qyzmette jumys isteýine tyıym salady.
Eske salsaq, jańa jyldaǵy gaz baǵasynyń qymbattaýyna baılanysty narazylyqtar munaı óndirýshi batysta bastaldy, biraq qarýly qaqtyǵystar, tonaý men órteý Almaty qalasynda boldy. 2019 jylǵa deıin Astana dep atalyp kelgen Nur-Sultan qalasynda keleńsizdikter bolǵan joq.
