Qazaqstan • 15 Maýsym, 2022

Saılaý prosesi: teorııa men tájirıbe

780 ret kórsetildi

Prezıdent janyndaǵy Memlekettik basqarý akademııasynda elimizde saılaý prosesin uıymdastyrýshy qyzmetkerlerdi oqytý kýrsy bastaldy. Teorııa men tájirıbe qamtylǵan oqytý úsh kúnge sozylady.

«Qazaqstan Respýblıkasyndaǵy saılaý prosesi: teorııa jáne tájirıbe» dep atalatyn oqytý kýrsyna oblystar, respýblıkalyq mańyzy bar qalalar jáne astana, aýdandardyń aýmaqtyq saılaý komıssııalarynyń basshylary qatysyp jatyr. «Osy jyldyń sońyna deıin akademııa Ortalyq saılaý komıssııasymen birlesip, saılaý­dy uıymdastyrýshylar men saılaý prosesiniń basqa da qatysýshy­laryn oqytý úshin 600-ge jýyq jattyq­tyrýshyny oqytýdy josparlap otyr», deıdi Elektoraldyq oqytý ortaly­ǵynyń dırektory Janar Boqanova.

El Prezıdenti Qasym-Jomart Toqaev Qazaqstan halqyna Joldaýynda saılaý komıssııalary róliniń artýyna baılanysty olardyń qyzmetiniń qaǵıdattaryn qaıta qarap, olardy kásibı negizge kóshirý kerektigin atap ótti. «Búgingi kúnniń ózinde barlyq deńgeıdegi saılaý komıssııalarynda saılaý prosesin basqarýǵa qabiletti, ózine jaýapkershilik alýǵa daıyn, saılaýshylarmen jáne saılaý prosesiniń basqa da qatysýshylarymen tıimdi qarym-qatynas jasaý daǵdylaryn meńgergen quzyretti mamandar jumys isteýi tıis», degen edi Memleket basshysy. Osyny negizge alǵan akademııa ótken jyldyń jeltoqsan aıynda Elektoraldyq oqytý ortalyǵyn ashqan bolatyn. Ortalyqtyń negizgi maqsaty – elektoraldy mamandardyń biliktilik deńgeıin arttyrý, teorııalyq jáne qoldanbaly bilimdi keńeıtý, saılaý prosesine qatysýshylardyń praktıkalyq daǵdylaryn jetildirý.

Oqytýdyń birinshi kúninde tyń­daý­shylar aldynda Ortalyq saılaý komıs­sııasynyń tóraǵasy Nurlan Ábdirov, Memlekettik qyzmet isteri agenttiginiń tóraǵasy Darhan Jazyqbaev, son­daı-aq ortalyq memlekettik organdar men qazaqstandyq zertteý ınstı­týttarynyń ókilderi sóz alyp, eldegi saılaý naýqanynyń ótýi, sonyń ishinde saılaýdy uıymdastyrýshy mamandardyń tikeleı qyzmetteriniń mańyzyn atap ótti.

Jalpy, oqytý kýrsy barysynda tyńdaýshylar Qazaqstandaǵy saılaý naýqandaryn daıyndaý men ótkizýdiń uıymdastyrýshylyq jáne quqyqtyq aspektileri týraly leksııalar tyńdaıdy. Tıimdi kommýnıkasııa jasaýdyń tetikterin úırenedi, máselen, buqaralyq aqparat quraldarymen, baıqaýshylarmen, saıası partııalarmen saıası naýqan kezinde jáne odan keıin de qarym-qatynas ornatý, durys aqparatpen qamtý sekildi mashyqtardy meńgermek. Sonymen qatar saılaýdy uıymdastyrýshylardyń soft skills daǵdylaryn jetildirýge arnalǵan trenıngter, saılaý praktıkasyndaǵy jaǵdaılar boıynsha praktıkalyq keısterdi taldaý formatynda sabaqtar ótkiziledi. Oqytý kýrsy 15-maýsymda aıaqtalady.

Sońǵy jańalyqtar

Túıtkili kóp turǵyn úı

Saıasat • Keshe

Jas sarapshylar taldaýy

Saıasat • Keshe

Ketigin tapqan kásiporyn

Ekonomıka • Keshe

Aıan týraly baıan

Rýhanııat • Keshe

Úzdikter anyqtaldy

Fýtbol • Keshe

Fransııa – pleı-offta

Fýtbol • Keshe

Aıazdaǵy apat

Aımaqtar • Keshe

Arheolog asýlary

Qoǵam • Keshe

Uqsas jańalyqtar