Qor basshysyna naqty tapsyrmalar

Memleket basshysy Nursultan Nazarbaev «Samuryq-Qazyna» UÁQ» AQ basqarmasynyń tóraǵasy О́mirzaq Shókeevti qabyldady, dep habarlady Prezıdenttiń baspasóz qyzmeti. Kezdesý barysynda qordyń qazirgi qyzmetiniń máseleleri, aldaǵy kezeńge arnalǵan mindetter, sondaı-aq, Memleket basshysynyń tapsyrmalaryn iske asyrý barysy talqylandy. Qazaqstan Prezıdenti «Samu­ryq-Qazyna» AQ transformasııalaý baǵdarlamasyn ázirleýdi qyrkúıekke deıin aıaqtaýdy, ony qordyń barlyq korporatıvtik organdarynda talqylaýdy jáne Úkimet qaraýyna engizýdi tapsyrdy. Sondaı-aq, Nursultan Na­zar­baev aldaǵy kezde qor birqatar or­ta jáne shaǵyn kompanııalaryn satýdy barynsha ashyq jáne ádil naryqtyq baǵa boıynsha júrgizýi tıis ekendigin atap ótti. О́.Shókeev qordy trans­for­ma­sııa­laýdyń korporatıvtik orta­lyqtar men qordyń enshiles kom­panııalarynyń bıznesin basqarý saıa­satyn da ózgertýdi qamtıtyn baǵ­dar­lamasyn ázirleý barysy týraly baıandady. Buǵan qosa, «Samuryq-Qazy­na» AQ basqarma tóraǵasy jekeshe­len­dirýdiń jańa kezeńine daıyndyq aıasynda júrgizilip jatqan jumystar týraly aıtty. Atap aıtqanda, ol qor quramynan 200-den asa kompanııany shyǵarý, sondaı-aq, «KEGOK» kompanııasynyń óz ak­sııa­synan 10%-yn ornalasty­ratyn «Halyqtyq IPO» baǵdarlamasyna qatysý jónindegi josparlardan habardar etti. Kezdesý qorytyndysynda Memleket basshysy birqatar naqty tapsyrmalar berdi.