2014 jylǵy 6 qańtar Astana qalasy
Jazany oryndaýda, arnaıy mekemelerde adamdardyń ustalýynda jáne bas bostandyǵynan aıyrý oryndarynan bosaǵandardy baqylaýda zańdylyqtyń saqtalýyna prokýrorlyq qadaǵalaýdy uıymdastyrý jónindegi nusqaýlyqty bekitý týraly
Jazany oryndaýda, arnaıy mekemelerde adamdardyń ustalýynda jáne bas bostandyǵynan aıyrý oryndarynan bosaǵandardy baqylaýda zańdylyqtyń saqtalýyna prokýrorlyq qadaǵalaýdy uıymdastyrý maqsatynda, «Prokýratýra týraly» Qazaqstan Respýblıkasy Zańynyń 11-babynyń 4) tarmaqshasyn basshylyqqa alyp, buıyramyn:
1. Qosa berilgen Jazany oryndaýda, arnaıy mekemelerde adamdardyń ustalýynda jáne bas bostandyǵynan aıyrý oryndarynan bosaǵandardy baqylaýda zańdylyqtyń saqtalýyna prokýrorlyq qadaǵalaýdy uıymdastyrý jónindegi nusqaýlyq bekitilsin.
2. «Jazany oryndaýda, arnaıy mekemelerde adamdardyń ustalýynda jáne bas bostandyǵynan aıyrý oryndarynan bosaǵandardy baqylaýda zańdylyqtyń saqtalýyna prokýrorlyq qadaǵalaýdy uıymdastyrý týraly nusqaýlyqty bekitý týraly» Qazaqstan Respýblıkasy Bas Prokýrorynyń 2012 jylǵy 13 tamyzdaǵy №93 buıryǵynyń (normatıvtik quqyqtyq aktilerdi memlekettik tirkeý tiziliminde №7872 tirkelgen, 2012 jyly 12 qyrkúıektegi №598-602 «Egemen Qazaqstan» jáne №306-307 «Kazahstanskaıa pravda» gazetterinde jarııalandy) kúshi joıylǵan dep tanylsyn.
3. Ustalǵan, qamaýǵa alynǵan jáne qylmystyq jazany óteýshi adamdardyń quqyqtarynyń saqtalýyn qadaǵalaý jónindegi departamentiniń bastyǵy (N.Á.Isaqov) osy buıryqty Qazaqstan Respýblıkasynyń Ádilet mınıstrliginde memlekettik tirkeý úshin sharalar qabyldasyn.
4. Osy buıryqpen Bas prokýratýranyń qurylymdyq bólimsheleriniń, mekeme jáne keńse basshylary men qyzmetkerleri tanystyrylsyn, oblys prokýrorlary men olarǵa teńestirilgen prokýrorlarǵa joldansyn.
5. Buıryqtyń oryndalýyn baqylaý Qazaqstan Respýblıkasy Bas Prokýrorynyń jetekshilik etetin orynbasaryna júktelsin.
6. Osy buıryq Qazaqstan Respýblıkasynyń Ádilet mınıstrliginde memlekettik tirkelgen kúnnen bastap qoldanysqa engiziledi.
Qazaqstan Respýblıkasynyń Bas Prokýrory A. DAÝYLBAEV.
Qazaqstan Respýblıkasy Bas Prokýrorynyń 2014 jylǵy 6 qańtardaǵy № 2 buıryǵymen bekitilgen
Jazany oryndaýda, arnaıy mekemelerde adamdardyń ustalýynda jáne bas bostandyǵynan aıyrý oryndarynan bosaǵandardy baqylaýda zańdylyqtyń saqtalýyna prokýrorlyq qadaǵalaýdy uıymdastyrý týraly
NUSQAÝLYQ
1. Jalpy erejeler
1. Jazany oryndaýda, arnaıy mekemelerde adamdardyń ustalýynda jáne bas bostandyǵynan aıyrý oryndarynan bosaǵandardy baqylaýda zańdylyqtyń saqtalýyna prokýrorlyq qadaǵalaýdy uıymdastyrý týraly osy Nusqaýlyq (budan ári - Nusqaýlyq) Qazaqstan Respýblıkasynyń Konstıtýsııasyna, Qylmystyq, Qylmystyq is júrgizý, Qylmystyq-atqarý, Ákimshilik quqyq buzýshylyq týraly kodeksterine, «Prokýratýra týraly» jáne «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Zańdary men Qazaqstan Respýblıkasynyń ózge de normatıvtik quqyqtyq aktilerine sáıkes ázirlendi jáne qylmystyq is júrgizý barysynda arnaıy mekemelerge ornalastyrylǵan, qylmystyq jazany óteýshi, jazany óteýden merziminen buryn shartty túrde bosatylǵan adamdardyń, sondaı-aq ákimshilik qadaǵalaý belgilengen adamdardyń quqyqtarynyń saqtalýyn qadaǵalaýdy júzege asyrý tártibin aıqyndaıdy. 2. Bas Prokýrordyń orynbasary, Bas prokýratýranyń ustalǵan, qamaýǵa alynǵan jáne qylmystyq jazany óteýshi adamdardyń quqyqtarynyń saqtalýyn qadaǵalaý departamentiniń bastyǵy, oblys prokýrorlary men olarǵa teńestirilgen prokýrorlar, mamandandyrylǵan prokýrorlar, qala men aýdan prokýrorlary qadaǵalaýdaǵy mekemelerde jáne Qazaqstan Respýblıkasy Ishki ister mınıstrliginiń Qylmystyq atqarý júıesi komıtetiniń organdarynda, arnaıy qabyldaýyshtarda, ýaqytsha ustaý ızolıatorlarynda, qoǵamdyq qaýipsizdik qurylymdarynda jáne Qazaqstan Respýblıkasy Ulttyq qaýipsizdik komıtetiniń tergeý ızolıatorlarynda Zańdardyń, Qazaqstan Respýblıkasy Prezıdenti Jarlyqtary men ózge de zańnamalyq aktilerdiń naqty jáne birkelki qoldanylýyna joǵary qadaǵalaýdy qamtamasyz etedi, kez kelgen zań buzýshylyqty anyqtaýǵa jáne joıýǵa sharalar qabyldaıdy. 3. Jazany oryndaýda, arnaıy mekemelerde adamdardyń ustalýynda jáne bas bostandyǵynan aıyrý oryndarynan bosaǵandardy baqylaýda zańdylyqtyń saqtalýyna qadaǵalaý qylmystyq jazanyń, ózge de qylmystyq-quqyqtyq yqpal etý sharalarynyń oryndalýy kezinde qylmystyq, qylmystyq is júrgizý, qylmystyq-atqarý, ákimshilik zańnamalarynyń, basqa da normatıvtik quqyqtyq aktilerdiń normalarynyń qoldanylý zańdylyǵyn, ustalǵandardyń, ákimshilik jáne tergeýmen qamaýǵa alynǵandardyń, sottalǵandardyń, jazany óteýden merziminen buryn shartty túrde bosatylǵandardyń, sondaı-aq ákimshilik qadaǵalaý belgilengen adamdardyń qonstıtýsııalyq quqyqtarynyń, bostandyqtary men zańdy múddeleriniń qorǵalýyn, arnaıy jáne túzeý mekemelerinde ustaýdyń tártibi men jaǵdaılarynyń saqtalýyn, sondaı-aq qýǵyn-súrginnen aqtalǵan adamdarǵa aqshalaı ótemaqylardy tóleý men jeńildikterdi berýdiń tártibin retteıtin zańnamalardyń oryndalýyn qamtamasyz etedi. 4. Osy Nusqaýlyqta qoldanylǵan negizgi uǵymdar men shartty belgiler: 1) Departament - Ustalǵan, qamaýǵa alynǵan jáne qylmystyq jazany óteýshi adamdardyń quqyqtarynyń saqtalýyn qadaǵalaý jónindegi departamenti; 2) oblys prokýrory - oblystardyń, Astana, Almaty qalalarynyń prokýrorlary, Bas áskerı prokýror, Bas kólik prokýrory; 3) departament qyzmetkeri - ustalǵan, qamaýǵa alynǵan jáne jazany óteýshi adamdardyń quqyqtarynyń saqtalýyn qadaǵalaý jónindegi Qazaqstan Resýblıkasy Bas prokýratýrasy departamentiniń laýazymdy tulǵasy; 4) oblys prokýrorynyń kómekshisi – oblystardyń, Astana, Almaty qalalary prokýrorlarynyń ustalǵan, qamaýǵa alynǵan jáne jazany óteýshi adamdardyń quqyqtarynyń saqtalýyn qadaǵalaý jónindegi kómekshisi jáne aǵa kómekshisi; 5) basqarmanyń qyzmetkeri – ustalǵan, qamaýǵa alynǵan jáne jazany óteýshi adamdardyń quqyqtarynyń saqtalýyn qadaǵalaý jónindegi oblystyq prokýratýranyń basqarma prokýrory, aǵa prokýrory, bastyqtyń orynbasary, bastyq jáne oǵan teńestirilgen prokýror; 6) prokýror – qalalyq, aýdandyq prokýror, kóliktegi jáne áskerı prokýror, onyń orynbasarlary, aǵa kómekshileri jáne kómekshileri; 7) qadaǵalaýdyń aımaqtyq qaǵıdaty – Departament prokýroryna osy Nusqaýlyq talaptarynyń oryndalýyn qamtamasyz etý jónindegi oblystardyń jekelegen prokýratýralarynyń qyzmetterine baqylaýdyń júzege asyrylýyn bekitý; 8) qadaǵalaýdyń pándik qaǵıdaty – Departament prokýroryna prokýrorlyq qadaǵalaýdyń jaǵdaıyn jáne qylmystyq jazalardyń atqarylýyn, ustalǵandardyń, ákimshilik jáne tergeýmen qamaýǵa alynǵandardyń, sottalǵandardyń ustalý tártibi men sharttaryn retteıtin zańnamalardyń jekelegen máselelerin oryndaý boıynsha zańdylyqty tekserýdiń ádistemelerin ázirleýdi, taldaýdy jáne jınaqtap qorytýdy bekitý; 9) qyzmetker – qylmystyq atqarý júıesiniń, ishki ister organdarynyń (budan ári – IIO) jáne Ulttyq qaýipsizdik komıtetiniń (budan ári – UQK) qyzmetkeri; 10) ustalǵan – quqyq buzýshylyqtyń jolyn kesý nemese qylmystyq, azamattyq jáne ákimshilik ister boıynsha is júrgizýdi qamtamasyz etý, sondaı-aq májbúrleý sıpatyndaǵy ózge de sharalardy qoldaný maqsatynda adamnyń jeke bas bostandyǵyn 72 eki saǵattan aspaıtyn qysqa ýaqytqa shekteýden turatyn jáne ýákiletti memlekettik organdar, laýazymdy jáne ózge de tulǵalar zańda kózdelgen negizde jáne tártippen iske asyratyn májbúrleý sharasy qoldanylǵan tulǵa; 11) sezikti – tergeýshi, anyqtaýshy qylmys jasady dep kúmán keltirilgendigin habarlap, soǵan baılanysty Qylmystyq is júrgizý zańnamalarymenbelgilengen negizderde jáne tártippen ózine qatysty qylmystyq is qozǵalǵan ne ony kúdikti dep taný týraly qaýly shyǵarylǵan, ne ustaý júzege asyrylǵan, ne aıyp taǵylǵanǵa deıin jolyn kesý sharasy qoldanylyp, kúdikti bolyp tanylǵan adam; 12) aıyptalýshy – ózine qatysty aıyptalýshy retinde jaýapqa tartý týraly qaýly shyqqan, sondaı-aq oǵan qatysty anyqtaý organynyń bastyǵy aıyptaý hattamasyn nemese sotqa deıingi jeńildetilgen is júrgizý hattamasyn jasaǵan jáne bekitken ne tergeýshi sotqa deıingi jeńildetilgen is júrgizý hattamasyn jasaǵan adam; 13) arnaıy qabyldaýysh – ákimshilik qamaýǵa tartylǵan adamdardy qabyldaýǵa jáne ustaýǵa arnalǵan ishki ister organdarynyń arnaıy mekemesi; 14) ákimshilik qamalǵan – ákimshilik qamaýǵa alý qoldanylǵan adam; 15) tergeýmen qamalǵan – qamaýǵa alý bultartpaý sharasy qoldanylǵan sezikti nemese aıyptalýshy; 16) ýaqytsha ustaý ızolıatory (budan ári – ÝUI) – qylmys jasady degen kúdik boıynsha ustalǵan adamdardy jáne Qazaqstan Respýblıksynyń Qylmysty-is júrgiý kodesiniń 152 babynda (odan-ári QIJK) kórsetilgen aıyptalýshylardy, seziktilerdi jáne sottalǵandardy kúzette ustaýǵa arnalǵanarnaýly mekeme; 17) tergeý ızolıatory (budan ári – TI) – bultartpaý sharasy retinde qamaýǵa alý qoldanylǵan, qylmystyń jasalýyna kúdiktiler men aıyptalýshylardy, sondaı-aq sharýashylyq qyzmetter kórsetý boıynsha jumystardy oryndaý úshin qaldyrylǵansottalǵandardy, jáne de túzeý mekemelerinde quqyqtyq tártipti qamtamasyz etýge jiberilgender men Qazaqstan Respýblıkasynyń Qylmystyq-atqarý kodeksiniń 68 babynyń (odan ári- QAK) talabyna saı aýystyrylǵandardy ustaýǵa arnalǵan arnaýly mekeme; 18) arnaıy mekemeler – arnaıy qabyldaýyshtar, ýaqytsha ustaý ızolıatorlary jáne tergeý ızolıatorlary; 19) túzeý mekemeleri – bas bostandyǵynan aıyrylǵan sottalǵandardyń jazasyn ótep jatqan túrmeler, jalpy, qatań jáne erekshe rejımdegi kolonııalar, tárbıeleý kolonııalary jáne qonys-kolonııasy; 20) sottalǵan adam – ózine qatysty aıyptaý úkimi shyǵarylǵan aıyptalýshy; 21) esepte turǵan adamdar – bas bostandyǵynan aıyrýǵa baılanysty emes jazaǵa jáne qylmystyq-quqyqtyq áser etýdiń ózge de sharalaryna sottalǵan, Qylmystyq atqarý júıesi komıtetiniń qylmystyq-atqarý ınspeksııalarynda esepte turǵan adamdar; 22) JО́MBShB – jazany óteýden merziminen buryn shartty túrde bosatý (budan ári – MBShB); 23) ákimshilik qadaǵalaýdaǵy adam – sotpen «Bas bostandyǵynan aıyrý oryndarynan bosatylǵan adamdardy ákimshilik qadaǵalaý týraly» Zańyna sáıkes ákimshilik qadaǵalaý belgilengen adam; 24) probasııa qyzmeti – shartty túrde sottalǵan adamnyń synaq merzimi men probasııalyq baqylaýda turǵan kezinde jańadan qylmys jasaýyn aldyn alý maqsatynda onyń júris-turysyn odan ári túzetý úshin áleýmettik-quqyqtyq sıpattaǵy sharalardyń keshenderin júzege asyratyn qylmystyq-atqarý ınspeksııasyndaǵy qyzmet; 25) elektrondyq baqylaý quraldary (elektrondyq bilezik) – tıisti baqylaýdy qamtamasyz etýge jáne Qylmystyq-atqarý júıesi komıtetiniń qylmystyq-atqarý ınspeksııasynda esepte turǵan bas bostandyǵynan aıyrýmen baılanysty emes jazaǵa nemese shartty túrde sottalǵan adamnyń júrgen jeri týraly aqparatty alýǵa arnalǵan elektrondyq qurylǵy; 26) tótenshe jaǵdaı – tabıǵı ne ekologııalyq zilzala, seziktiler men aıyptalýshylardyń, sottalǵandardyń qylmys jasaý faktileri, adamdardy kepilge alý, qıratý (múlikti qasaqana joıý), jappaı tártipsizdik (eki jáne odan kóp tulǵa), toptasyp qashý, dene múshelerine zaqym keltirý, aqyly qyzmet túrin oryndaýdan, tamaq ishýden (ashtyq jarııalaý) bas tartý, sondaı-aq olardyń zańmen belgilengen rejımdi buzýǵa baǵyttalǵan basqa da quqyqqa qarsy is-áreketterdi jasaýy, arnaıy jáne túzeý mekemeleri ákimshiliginiń talaptaryn oryndamaýy, qyzmetkerlerdiń ustalǵandarǵa, ákimshilikpen jáne tergeýmen qamalǵandarǵa, sottalǵandarǵa qatysty azaptaýlardy, ruqsat etilmegen yqpal etý sharalaryn, arnaýly quraldardy qoldanýy, «Eńbek» Respýblıkalyq memlekettik kásiporny ıoqyzmetkerleri men jumysshylarynyń qylmys, sybaılas jemqorlyq qylmysy men quqyq buzýshylyqtar jasaýy, túzeý jáne arnaıy mekemelerde ustalǵan tulǵalardyń zorlyqpen óltirilýi; 27) arnaıy habarlama – tótenshe jaǵdaı týraly elektrondy nemese faksımıldy baılanys arqyly dereý (3 saǵat ishinde) jiberiletin habarlama; 28) keshendi tekserý – bas bostandyǵynan aıyrý oryndaryndaǵy qylmystyq jazalardyń oryndalýy boıynsha jalpy zańdylyqtyń jaǵdaıyn jáne túzeý mekemeleri ákimshilikteri men jergilikti atqarý jáne quqyq qorǵaý organdarynyń ózara is-áreketiniń jaǵdaıyn prokýrorlyq tekserý; 29) mamandar – qyzmettiń qandaı da bir salasynda (densaýlyq saqtaý, býhgalterııa, qarjy, eńbekti qorǵaý, áleýmettik, órtke qarsy, sanıtarlyq-epıdemıologııalyq baǵyttaǵy jáne t.b.) arnaýly bilimi bar adamdar; 30) QAI – Qylmystyq-atqarý júıesi komıtetiniń qylmystyq-atqarý ınspeksııasy; 31) IIO QQB – ishki ister organdarynyń qoǵamdyq qaýipsizdik bólimshesi; 32) «Eńbek» RMK – Qylmystyq atqarý júıesiniń respýblıkalyq memlekettik kásiporny jáne onyń fılıaldary; 33) aıyptylyq bólmeler – aıyptylyq ızolıator (budan ári – AI), kamera túrindegi bólmeler (budan ári – KTB), bir kisilik kamera (budan ári – BKK), karser, tártiptik ızolıator (budan ári – TIZO); 5. Ustalǵan, qamaýǵa alynǵan jáne qylmystyq jazany óteýshi adamdardyń quqyqtarynyń saqtalýyn qadaǵalaýdy uıymdastyrǵan kezde kelesini qadaǵalaý prokýratýra organdary qyzmetiniń basymdy baǵyttary bolyp tabylady: 1) quqyq qorǵaý organdarynyń arnaıy jáne túzeý mekemelerindegi sybaılas jemqorlyq sıpatyndaǵy, uıymdasqan, terrorızm men dinı ekstremızm, esirtki zattarynyń zańsyz aınalymyna baılanysty qylmystaryna qarsy kúres jumystarynyń úılestirilýin; 2) ustalǵandardyń, ákimshilikpen jáne tergeýmen qamalǵandardyń, sottalǵandardyń, JО́MBShB jáne ákimshilik qamaýǵa alynǵandary konstıtýsııalyq quqyqtary men bostandyqtarynyń saqtalýyn; 3) azaptaýlarǵa qarsy baǵyttalǵan zańnamalardyń saqtalýyn, sondaı-aq ustalǵandardy, ákimshilik jáne tergeýmen qamalǵandardy, sottalǵandardy 1955 jylǵy 30 tamyzdaǵy BUU birinshi Kongresinde qabyldanǵanQamaýdaǵylarǵa qaraýdyń eń tómengi standarttyq erejelerine jaqyn ustaý jaǵdaılarymen qamtamasyz etilýin; 4) jazany óteý oryndarynan bosatylǵan adamdardyń beıimdelýine baǵyttalǵan zańnamanyń saqtalýyn; 5) ustalǵandardy, ákimshilik jáne tergeýmen qamalǵandardy, sottalǵandardy ustaýǵa bólinetin bıýdjet qarajattaryn paıdalaný zańdylyǵynyń jaǵdaıyn. 6. Prokýrorlyq qadaǵalaý IIM QQB, QAI, arnaıy jáne túzeý mekemelerinde zańdylyqtyń jaǵdaıyn toqsan saıyn taldaý negizinde qamtamasyz etiledi. 7. Arnaıy jáne túzeý mekemeleriniń, QAI, IIM QQB, halyqty áleýmettik qorǵaý organdarynyń qyzmetindegi zańdylyqtyń jaǵdaıyn tekserý jumys josparyna sáıkes, Bas jáne oblystyq prokýratýralardyń tapsyrystary men tapsyrmalary, tótenshe jaǵdaılardyń derekteri, buqaralyq aqparat quraldaryndaǵy jarııalanymdar, zańdy jáne jeke tulǵalardyńótinishteri boıynsha tekserý taǵaıyndaý týraly qaýlynyń negizinde júrgiziledi. Tekserý barysynda qadaǵalaýǵa baǵynysty organdardyń qyzmetindegi zańdylyǵynyń jaǵdaıyna jáne prokýrorlyq qadaǵalaýdyń tıimdiligine baǵa beriledi. 8. Prokýror óz quzyreti sheginde, zańdylyqtyń, ustalǵandardyń, ákimshilik jáne tergeýmen qamalǵandardyń, sottalǵandardyń quqyqtary men zańdy múddeleriniń anyq buzylýyna dereý yqpal etý maqsatynda, táýliktiń kez kelgen ýaqytynda IIO QQB, QAI, arnaıy jáne túzeý mekemelerin tekserýge quqyly. Qajetti kezde tekserýlerge mamandar tartylady. Quqyqtyq statıstıka jáne arnaıy esepke alý jónindegi komıtettiń aýmaqtyq bólimshelerinde jeke kásipkerlik sýbektilerge tekserý júrgizý týraly qaýly tirkelýge jatady. Tekserý nátıjeleri anyqtama nemese akti túrinde resimdeledi, onda: tekserýdiń júrgizilgen orny men ýaqyty, tekserýshiniń laýazymy, tegi, aty,ákesiniń aty, anyqtalǵan zań buzýshylyqtar, jumystaǵy kemshilikter men olqylyqtar, osyǵan áser etken sebepter men saldarlar, tekserý nátıjelerin iske asyrýdyń usynylyp otyrǵan nusqalary, olardy joıýdyń joldary men tásilderi kórsetiledi. Prokýrorlyq qadaǵalaý aktilerin engizý qajet bolǵan kezde, sondaı-aq ustalǵandardyń, ákimshilik jáne tergeýmen qamalǵandardyń, sottalǵandardyń konstıtýsııalyq quqyqtarynyń buzylǵany anyqtalǵan kezde anyqtama resimdeledi. Tekserý barysynda anyqtalǵan zań buzýshylyqtardy, jumystardy uıymdastyrýdaǵy kemshilikter men olqylyqtardy joıý kezinde akt qurastyrylady. Túzeý mekemelerin keshendi tekserý nátıjeleri anyqtama túrinde resimdeledi. 9. Tekserý nátıjeleri týraly anyqtamamen tekserilgen organdardyń birinshi basshylary nemese olardyń mindetterin atqarýshylar, sondaı-aq osy organ qyzmetiniń qadaǵalanýyn qamtamasyz etetin prokýror tanysady. 10. Oblys prokýratýralary jáne olarǵa teńestirilgen prokýratýralar nemese Úılestirý keńesteriniń jedel keńesterinde, alqa otyrystarynda zańdylyq, quqyq tártibin jáne qylmysqa qarsy kúresti qamtamasyz etý jónindegi josparly is-sharalardyń nátıjeleri men tekserýleri únemi qaralady. 11. Bas prokýratýrada turaqty negizde oblys prokýrorlary men olardyń orynbasarlarynyń ustalǵan, ákimshilikpen qamalǵan, qamaýǵa alynǵan, qylmystyq jazany óteýshi, JО́MBShB jáne qadaǵalaýda júrgen adamdardyń quqyqtarynyń saqtalýy máselesi tyńdalyp otyrady. 12. Oblystyq deńgeıdegi organdar, mekemeler men vedomstvalar, laýazymda tulǵalarǵa baǵyttalǵan prokýrorlyq qadaǵalaý aktileri oblys prokýratýralary jáne olarǵa teńestirilgen prokýratýralar arqyly, ortalyq organdarǵa Bas prokýratýra arqyly joldanady. Osy kezde anyqtalǵan zań buzýshylyqtardy naqty joıýǵa baqylaý belgilenedi. 13. Qylmystyq jazalardy atqarý, ustalǵandardy, ákimshilikpen jáne tergeýmen qamalǵandardy, sottalǵandardy arnaıy jáne túzeý mekemelerinde ustaý, sondaı-aq JО́MBShB jáne qadaǵalaýda júrgen adamdardyń júris-turysyna baqylaýdy júzege asyrý máseleleri boıynsha qylmystyq-atqarý júıesi, Ishki ister jáne UQK organdary shyǵaratyn normatıvtik quqyqtyq aktileriniń, buıryqtarynyń jáne ókimderiniń zańdylyǵy únemi zerdelenedi jáne tekseriledi. 14. Prokýratýra organdarynda jedel-profılaktıkalyq esepke tirkelgen adamdarǵa qatysty baqylaý isteri ashylady.2. Jazany oryndaýda, arnaıy mekemelerde adamdardyń ustalýynda jáne bas bostandyǵynan aıyrý oryndarynan bosaǵandardy baqylaýda zańdylyqtyń saqtalýyna prokýrorlyq qadaǵalaýdy uıymdastyrý
1-paragraf. Departamenttiń qadaǵalaýdy uıymdastyrýy 15. Departament qyzmetkerleri: 1) Bas prokýratýra men Departamenttiń Strategııalyq, operasııalyq jáne toqsandyq jumys josparlaryna sáıkes, Bas prokýratýranyń basqa da qurylymdyq bólimshelerimen, tómengi turǵan prokýratýralarmen, múddeli mınıstrlikter jáne vedomstvolarmen ózara is-áreket etý jáne úılestirý arqyly qyzmetkerlerdiń laýazymdy mindetterin naqty jikteý jáne tapsyrylǵan ýchaskeler men aımaqtyq-pándik qaǵıdattar boıynsha isterdiń jaǵdaıyna olardyń árqaısysynyń jeke jaýapkershiligin belgileý negizinde Respýblıkada ustalǵan, ákimshilik qamalǵan, qamaýǵa alynǵan jáne qylmystyq jazany óteýshi, JО́MBShB jáne ákimshilik qadaǵalaýdaǵy adamdardyń quqyqtarynyń saqtalýyna turaqty jáne pármendi qadaǵalaý uıymdastyrady jáne júrgizedi; 2) azamattardy aqtaý jáne qylmystyq jazany oryndaý máselesi boıynsha Qazaqstan Respýblıkasy Úkimetiniń, QazaqstanRespýblıkasynyń mınıstrlikter men vedomstvolarynyń quqyqtyq atkilerine, Ishki ister mınıstrliginiń Qylmystyq-atqarý júıesi komıtetiniń, Ákimshilik polısııasy komıtetiniń qyzmetindegi zańdylyqqa – ÝUI, arnaıy qabyldaýyshtardyń qyzmetindegi, sondaı-aq JО́MBShB jáne ákimshilik qadaǵalaýdaǵy adamdardyń júris-turysyna baqylaýdy júzege asyrý kezinde zańdylyqtyń saqtalýy máseleleri boıynsha, Qazaqstan Respýblıkasy Ulttyq qaýipsizdik komıtetiniń – TI qyzmetindegi zańdylyqtyń saqtalýy máseleleri boıynsha tikeleı qadaǵalaýdy júzege asyrady; 3) jedel-izdestirý qyzmetiniń zańdylyǵyn qadaǵalaý departamentiniń qyzmetkerlerimen birlesip, jetekshilik etetin jelilerdiń qyzmetiniń zańdylyǵyn qamtamasyz etedi, birlesken tekserýler júrgizý bastamasy kóteriledi jáne qylymystyq jazanyń atqarylýy men qamaýǵa alynǵan adamdardy ustaý kezinde zańdylyq pen quqyq tártibin qamtamasyz etýge baǵyttalǵan ózara qyzmet etý sharalary qabyldanady; 4) oblys prokýrorlarynyń usynystary jáne sottalǵandardyń ótinishteri boıynsha úkimderdiń oryndalý máselesine baılanysty qabyldanǵan sot qaýlysynyń zańdylyǵyna narazylyq engizý maqsatynda zerdelenedi; 5) oqý semınarlary men keńester, birlesken tekserýler jáne oblys prokýrorlarynyń kómekshilerin, kóliktegi jáne áskerı Bas prokýrorlarynyńustalǵan, qamaýǵa alynǵan jáne jazany óteýshi adamdardyń quqyqtarynyń saqtalýyn qadaǵalaýdy qamtamasyz etetin kómekshilerin, basqarma qyzmetkerlerin, prokýrorlardyń taǵylymdamadan ótýi uıymdastyrylady jáne ótkiziledi, jumystyń oń tájirıbeleri zerdelenedi jáne taratylady, qadaǵalaýdy uıymdastyrýdaǵy jol bergen kemshilikteri men olqylyqtary úshin tómengi turǵan prokýrorlardyń jaýapkershilikteri týraly Bas prokýratýranyń basshylyǵyna usynystar engiziledi; 6) jazany oryndaýda, arnaıy mekemelerde adamdardyń ustalýynda jáne bas bostandyǵynan aıyrý oryndarynan bosaǵandardy baqylaýda zańdylyqtyń jaǵdaıyna qadaǵalaýdy qamtamasyz etý boıynsha jáne de qadaǵalaýdyń basymdyq jáne aımaqtyq baǵyttary boıynsha taldaý jasalady, tekserýdiń ádisteri ázirlenedi; 7) Bas prokýratýra basshylyǵynyń tapsyrmasy boıynsha tótenshe jaǵdaılardyń saldary jergilikti oryndarǵa barý arqyly tekseriledi; 8) jergilikti oryndarda tekserý júrgizý kezinde zańdylyqtyń buzylý deregi boıynsha shuǵyl yqpal etý talap etiletin jaǵdaıda, prokýrorlyq yqpal etý aktileri derbes engiziledi; 9) Bas prokýratýra basshylyǵynyń tapsyrmasy boıynsha aýmaqtyq prokýrorlardyń, aımaqtardaǵy quqyq qorǵaý jáne basqa da memlekettik organdardyń laýazymdy tulǵalarynyń qabyldaǵan sheshimderiniń, sondaı-aq sot aktileriniń zańdylyǵyn zerdeleý maqsatynda qylmystyq, azamattyq, ákimshilik ister men ózge de materıaldar suratyp alynady.2-paragraf. Oblys prokýratýralary men
olarǵa teńestirilgenderdiń qadaǵalaýdy uıymdastyrýy
16. Oblys prokýrorlary jáne olardyń orynbasarlary: 1) ustalǵan, arnaıy mekemelerge ornalastyrylǵan, qylmystyq jazany óteýshi, JО́MBShB jáne ákimshilik qadaǵalaýdaǵy adamdardyń quqyqtarynyń saqtalýyna qadaǵalaýdyuıymdastyrady jáne qamtamasyz etedi; 2) túzeý jáne arnaıy mekemeleriniń keshendi tekserýlerine qatysady. Kórsetilgen tekserýlerdi júrgizý barysynda ustalǵandardy, ákimshilik jáne tergeýmen qamalǵandardy, sottalǵandardy, «Eńbek» RMK-nyń qyzmetkerleri men jumysshylaryn jeke suraqtary boıynsha qabyldaý ótkiziledi; 3) arnaıy jáne túzeý mekemelerinde qyzmetkerlerdiń ustalǵandarǵa, tergeýmen qamalǵandarǵa jáne sottalǵandarǵa azaptaý, ruqsat etilmegen yqpal etý sharalaryn, arnaýly quraldardy qoldaný faktileri boıynsha ýaqytynda tekserý júrgizýdi qamtamasyz etedi; Mundaı faktiler boıynsha qylmystyq isti qozǵaýdan bas tartý týraly sheshimderdiń zańdylyǵyn on táýlik ishinde tekserýdi tapsyrady. 4) Ulttyq aldyn alý tetiginiń qatysýshylarynyń qyzmetine kómek beredi. 17. Tótenshe jaǵdaılar týraly aqparat túsken kezde dereý 3 saǵat ishinde Departamentke arnaıy habarlama taǵaıyndaýdy jáne jiberýdi qamtamasyz etedi, onda mindetti túrde tótenshe jaǵdaıdyń oryn alǵan kúni, ýaqyty, orny jáne mán-jaıy, sebebi, maqsaty, tásili, nysanasy men ony jasaǵan kezde paıdalanǵan qural-jaraqtary, oǵan qatysqan adamdardyń jalpy sany, olardyń tegi, aty, ákesiniń aty, QK-tiń qandaı baptary boıynsha tartylǵany nemese sottalǵany, jedel-aldyn alý esebinde týratyndyǵy kórsetiledi (5 jáne odan da kóp qatysýshylar bolsa, olar týraly derekter arnaıy habarlamaǵa tirkeledi). 18. Arnaıy jáne túzeý mekemelerindegi jedel-izdestirý qyzmetiniń zańdylyǵyna qajetti qadaǵalaýdy qamtamasyz etý maqsatynda oblys prokýratýralarynyń tıisti qurylymdarynyń ózara tyǵyz qyzmet etýine nazar aýdarylady. Qajetti kezde arnaıy jáne túzeý mekemelerinde tıisti rejımdi qamtamasyz etý sharalaryn ázirlep, birlesken tekserýlerdi ótkizý jáne taldaý jasaý tapsyrylady. 19. Oblys prokýrorlarynyń kómekshileri, basqarma qyzmetkerleri: 1) QAJ komıteti departamentteriniń, «Eńbek» RMK, arnaıy jáne túzeý mekemeleriniń (bundaı ókilettik oblys prokýrorynyń ókimimen júktelgen jaǵdaıda) qyzmetindegi zańdylyqqa, Ishki ister departamentiniń – arnaıy mekemelerde zańdardyń, JО́MBShB jáne ákimshilik qadaǵalaýdaǵy adamdarǵa baqylaýdy júzege asyrý zańnamasynyń oryndalýyna, Ulttyq qaýipsizdik komıtetiniń TI zańdardyń oryndalýyna, sondaı-aq saıası qýǵyn-súrgin qurbandaryn aqtaý týraly zańnamalardyń qoldanylýyna qadaǵalaýdy júzege asyrady; 2) oblys prokýratýrasynyń jedel-izdestirý qyzmetiniń zańdylyǵyn qadaǵalaý bólimshesimen kelisip, arnaıy jáne túzeý mekemelerinde júrgiziletin jedel-izdestirý is-sharalarynyń zańdylyǵyn tekseredi; 3) osy Nusqaýlyqtyń 32-56-tarmaqtarynyń oryndalýy boıynsha prokýrorlardyń qyzmetine tikeleı baqylaýdy júzege asyrady. Prokýrorlarǵa jazany oryndaýda, arnaıy mekemelerde adamdardyń ustalýynda jáne bas bostandyǵynan aıyrý oryndarynan bosaǵandardy baqylaýda zańdylyqtyń saqtalýyna prokýrorlyq qadaǵalaýdy qamtamasyz etýde uıymdastyrý jáne ádistemelik kómek kórsetiledi, oblystyq jáne olarǵa teńestirilgen prokýratýralarda taǵylymdama jáne oqytý júrgiziledi; 4) ustalǵan, qamaýǵa alynǵan jáne túzeý mekemelerinde jazany óteýshi adamdardyń quqyqtarynyń saqtalý máselesi boıynsha qoǵamdyq baqylaý komıssııalarymen birlesken is-sharalar josparlanady, únemi túrde qarym-qatynas júrgiziledi; 5) arnaıy jáne túzeý mekemelerindegi ustalǵan tulǵalardyń quqyqtarynyń buzylǵandyǵy týraly qoǵamdyq baqylaý komıssııasy músheleriniń barlyq ótinishteri boıynsha kidirmeı tekserýler júrgiziledi. Zańnyń buzylýy anyqtalǵan jaǵdaıda kináli laýazymdy tulǵalarǵa qatysty prokýrorlyq yqpal etý sharalary qoldanylady. 20. Arnaıy jáne túzeý mekemelerinde ustalǵandarǵa, ákimshilikpen jáne tergeýmen qamalǵandarǵa, sottalǵandarǵa azaptaýlardyń, ruqsat etilmegen yqpal etý sharalary men arnaýly quraldardyń negizsiz qoldanylǵany týraly habarlamalar nemese ótinishter kelip túsken kezde, derbes nemese prokýror, qylmystyq qýdalaý organdary prosessýaldyq sheshim qabyldaý arqyly tekserýdiń júrgizilýin qamtamasyz etedi. Ustalǵandarǵa, ákimshilik jáne tergeýmen qamalǵandarǵa, sottalǵandarǵa arnaıy quraldardy negizsiz qoldaný faktisi boıynsha qorytyndy shyǵarylyp, oblys prokýrorynyń jetekshilik etetin orynbasary bekitedi. Qorytyndyda arnaıy quraldardyń qoldanylý orny, ýaqyty, jaǵdaıy, sondaı-aq olardy qoldanǵan qyzmetkerler týraly derekter, arnaıy quraldardyń qoldanylýyn retteıtin normatıvtik quqyqtyq aktilerge silteme mazmundalýy qajet. Qorytyndynyń rezolıýtıvtik bóliginde arnaıy quraldardy qoldanýdyń zańdylyǵy nemese zańdylyqty buzýshylyǵy týraly tujyrym kórsetiledi. Qorytyndyǵa rastaıtyn materıaldar qosa tirkeledi. 21. Aıyna bir retten kem emes oblys ortalyqtarynda, ornalasqan TI, UÝI jáne arnaıy qabyldaýyshtarda zańdylyqtyń saqtalýynyń jaǵdaıyna tekserýler júrgiziledi. Adamnyń qamaýda zańsyz otyrǵany anyqtalǵan kezde ony dereý bosatýǵa sharalar qabyldanady. 22. Basqa eldi mekenderde ornalasqan ÝUI jáne arnaıy qabyldaýyshtarda tekserý zańdylyqtyń jaǵdaıy men ustalǵandardyń, ákimshilikpen jáne tergeýmen qamalǵandardyń konstıtýsııalyq quqyqtary men bostandyqtarynyń saqtalýyna baılanysty júrgiziledi. Arnaıy mekemelerde tekserý júrgizgende ustalǵandardy, ákimshilik jáne tergeýmen qamalǵandardy, sottalǵandardy jáne qyzmetkerlerdi jeke suraqtary boıynsha qabyldaý ótkiziledi; 23. Tótenshe oqıǵalardy jáne ustalǵandarǵa, tergeýmen qamalǵandarǵa jáne sottalǵandarǵa qarýlardy, arnaýly quraldardy qoldaný, arnaıy jáne túzeý mekemelerinen qashýǵa oqtalý, ózin óltirý jáne ózine dene jaraqatyn salý barlyq faktilerin esepke alý júrgiziledi. Tótenshe jaǵdaılar týraly aqparatty alǵan kezde dereý telefon baılanysymen (bir saǵat ishinde) Departamenttiń jetekshilik etetin qyzmetkerine habarlanady. 24. TI kelesi tekseriledi: 1) aıyptalýshynyń qamaýdaǵy merziminiń aıaqtalýy men ony qamaýdan bosatý týraly sheshimniń qabyldanýy týraly tıisti organdardy ýaqytynda habardar etý bóligindegi mekeme ákimshiliginiń qylmystyq is júrgizý zańnamasy talaptarynyń saqtaýyna nazaryn aýdaryp, kúdiktilerdiń, aıyptalýshylardyń jáne sottalǵandardyń qamaýda ustalýynyń zańdylyǵy; 2) tergeýmen qamalǵannyń aryzyn prokýrorǵa ýaqytynda jiberý bóligindegi Qylmystyq is júrgizý kodeksiniń talaptarynyń saqtalýy; 3) materıaldyq-turmystyq jaǵdaılarmen jáne medısınalyq-sanıtarlyq qyzmetpen qamtamasyz etilýi; 4) tergeýmen qamalǵandardy, sottalǵandardy tergeý ızolıatorlaryna ornalastyrǵan kezde jáne tergeý áreketteri men sot talqylaýynan keıin árbir keri qaıtarylǵanda, dene jaraqatynyń bolý-bolmaýyna ýaqytynda medısınalyq kýálandyrýdyń júrgizilýi; 5) tergeýmen qamalǵandardyń jáne sottalǵandardyń arasynda týberkýlezdiń taratylýyna qarsy is-áreket etetin normatıvtik quqyqtyq aktilerdiń talaptarynyń saqtalýy; 6) ınjenerlik-tehnıkalyq kúzet quraldary men ǵımarattardyń qoıylatyn talaptarǵa sáıkestigi; 7) ustalǵandardy, tergeýmen qamalǵandardy jáne sottalǵandardy ustaýǵa bólingen bıýdjet qarajattaryn paıdalanýdaǵy zańdylyqtyń jaǵdaıy; 8) 48 saǵat ishinde tergeýmen qamalǵandardy karserge qamaýdyń zańdylyǵy; 9) tergeýmen qamalǵandardyń ýaqytsha ustaý ızolıatorlarynan tergeý ızolıatoryna ýaqytynda qaıtarylýy; 10) sottalǵandardyń tergeý ızolıatorlarynan túzeý mekemelerine ýaqytynda jiberilýi; 11) tergeýmen qamalǵandardy bólek ornalastyrý máselelerin retteıtin zańnama talaptarynyń saqtalýy; 12) sottalǵandardy sharýashylyq qyzmet kórsetý jumystaryn oryndaý úshin qaldyrýdyń zańdylyǵy; 13) sottalǵandardy qonys-kolonııasyna aýystyrý, jazany óteýden merziminen buryn shartty túrde bosatý jáne jazanyń ótelmegen bóligin jazanyń neǵurlym jumsaq túrimen aýystyrý, ustaý rejımin qasaqana buzýshylardy jazasyn óteý úshin túzeý mekemelerine jiberý týraly máselelerdiń ýaqytynda qaralýy jáne zańdylyǵy; 14) seziktilerge, aıyptalýshylarǵa jáne sottalǵandarǵa jazalardy taǵaıyndaý men olardy kótermeleýdiń zańdylyǵy; 15) jeke jáne zańdy tulǵalardyń ótinishterin qaraý tártibin retteıtin zańnama talaptarynyń saqtalýy. 25. Tekserý barysynda, dereý yqpal etýdi talap etetin zańdylyqty aıqyn buzýshylyq anyqtalsa, prokýrorlyq qadaǵalaý aktileri engiziledi. 26. Sharýashylyq jumystaryn oryndaý úshin TI qaldyrylǵan sottalǵandarǵa qatysty úkimdi oryndaýǵa baılanysty máselelerdiń birinshi satydaǵy sotta qaralýy kezinde, sondaı-aq úkimniń oryndalýyna baılanysty máselelerli sheshý kezinde shyǵarylǵan sot qaýlylaryna keltirilgen aryzdar men narazylyqtardy apellıasııalyq jáne kassasııalyq satydaǵy sottarda qaraǵan kezde mindetti túrde qatysady. Oblys prokýrorynyń ókimimen úkimniń oryndalýyna baılanysty máselelerdi qaraýda sotqa qatysýdy,memelket múddesine ókildik etý jáne qylmystyq ister boıynsha sot aktileriniń zańdylyǵyna qadaǵalaýdy júzege asyratyn oblystyq prokýratýranyń tıisti bólimshesine jáne oǵan teńestirilgen, nemese prokýrorlarǵa júktelýi múmkin. 27. ÝUI jáne arnaıy qybyldaýyshtarda tekserý osy Nusqaýlyqtyń 40-48-tarmaqtarynyń erejelerine sáıkes júrgiziledi. 28. Túzetý mekemelerinde tekserý osy Nusqaýlyqtyń 38-39-tarmaqtarynyń erejelerine sáıkes júrgiziledi. 29. JО́MBShB, ákimshilik qadaǵalaýdaǵy adamdardyń júris-turysyna baqylaýdy qamtamasyz etý, qylmystyń qaıtalanýyn aldyn alý maqsatynda, jarty jylda bir ret mekemelerden bosatylǵan, sonyń ishinde basqa aımaqtardaǵy, turǵylyqty mekenjaılaryna kelgen JО́MBShB jáne ákimshilik qadaǵalaýdaǵy adamdardyń sany týraly, olardyń qaıtalap jasaǵan qylmystary týraly Ishki ister departamentiniń málimetterimen birge Quqyqtyq statıstıka jáne arnaıy esepke alý jónindegi komıtettegi derektermen salystyryp tekserý júrgiziledi. 30. Jazany oryndaýda, arnaıy mekemelerde adamdardyń ustalýynda jáne bas bostandyǵynan aıyrý oryndarynan bosaǵandardy baqylaýda zańdylyqtyń jaǵdaıyna qadaǵalaýdyń qamtamasyz etilýine toqsan saıyn taldaý júrgizedi. 31. Azamattardy jappaı saıası qýǵyn-súrginderinen aqtaý máselelerin retteıtin zańnamalardyń qoldanylýy jyl nátıjesi boıynsha jınaqtap qorytylady.3-paragraf. Qalalyq jáne aýdandyq prokýratýralardyń qadaǵalaýdy uıymdastyrýy
32. Qalalyq jáne aýdandyq prokýrorlar: 1) túzeý mekemelerinde, ÝUI, arnaıy qabyldaýyshtardyń qyzmetindegi zańdylyqqa, qoǵamnan oqshaýlaýmen baılanysty emes qylmystyq jazalardyń, ózge de qylmystyq-quqyqtyq yqpal etý sharalarynyń atqarylýy zańdylyǵyna, JО́MBShB jáne ákimshilik qadaǵalaýdaǵy adamdardy baqylaý tártibi zańnamasynyń, aqtalǵan azamattarǵa aqshalaı ótemaqylardy tóleýdi jáne olarǵa jeńildikterdi berýdi reglamentteıtin zańdardyń oryndalsynyń saqtalýyna qadaǵalaýdy júzege asyrady; 2) qyzmetkerlerdiń ustalǵandarǵa nemese ákimshilik jáne tergeýmen qamalǵandarǵa, sottalǵandarǵa arnaýly quraldar men kúsh qoldanýy týraly aqparat oqıǵa ornyna baryp, arnaıy qabyldaýyshtardyń jáne túzeý mekemeleri ákimshilikteriniń is-áreketteriniń zańdylyǵy men negizdiligi týraly qorytyndyny qurastyrý arqyly tekseriledi. Qorytyndy osy Nusaqýlyqtyń 20-tarmaǵynda kórsetilgendeı tártip boıynsha jasaqtalyp, prokýrormen bektiledi. Arnaıy nemese túzeý mekemelerinde azaptaýlardyń, ruqsat etilmegen yqpal etý sharalarynyń qoldanylǵany týraly málimetter bar bolǵanda nemese ótinishter kelip túsken kezde, tekserý azaptaýlarǵa jáne basqa da qatygez, adamgershilikke jatpaıtyn jáne ar-namysty qorlaıtyn is-áreketter men jazalaý túrleri týraly ótinishterdi tekserý tártibin retteıtin normatıvtik quqyqtyq aktilerge sáıkes júzege asyrylady; 3) ulttyq aldyn alý tetigi qatysýshylarynyń qyzmetine kómek berý boıynsha sharalar qabyldanady, quqyqtarynyń buzylýy boıynsha «Qazaqstan Respýblıkasynyń keıbir zańnamalyq aktilerine azaptaýdyń jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrleriniń aldyn alýǵa baǵyttalǵan ulttyq aldyn alý tetigin jasaý máseleleri boıynsha ózgerister men tolyqtyrýlar engizý týraly» Zańynda kórsetilgendeı, kidirmeı tekserý júrgiziledi. Tekserý nátıjesi boıynsha negizdiligi bar bolǵan jaǵdaıda kidirmeı, úsh jumys kúni ishinde aldyn alý tetiginiń barýyna jatqyzylǵan túzeý mekemeleriniń jáne ózgede uıymdardyń kináli laýazymdy tulǵalaryna qatysty qujattar jınaqtalady jáne sotqa joldanady; 4) ustalǵan, qamaýǵa alynǵan jáne túzeý mekemelerinde jazany óteýshi adamdardyń quqyqtarynyń saqtalý máselesi boıynsha qoǵamdyq baqylaý komıssııalarymen birlesken is-sharalar josparlanady, únemi túrde qarym-qatynas júrgiziledi. Qylmystyq-atqarý júıesi organdarynyń jáne túzeý mekemelerindegi ustalǵan tulǵalardyń quqyqtarynyń buzylǵandyǵy týraly qoǵamdyq baqylaý komıssııasy músheleriniń ótinishteri boıynsha kidirmeı tekserýler júrgiziledi. 33. Jarty jylda bir ret oblys prokýrorynyń nemese onyń orynbasarynyń qatysýymen túzeý mekemelerinde keshendi tekserýler júrgiziledi. 34. Sottalǵandy aıyptaý bólmesine ornalstyrý nemese aýystyrý týraly túzeý mekemesiniń ákimshiligimen qabyldanǵan qaýlynyń zańdylyǵy jáne negizdiligi 48 saǵat ishinde tekseriledi, tıisti qortyndysy jasaqtalýmen birge. Aı saıyn túzeý mekemelerinde sottalǵandardy aıyptalý oryndarynda ustaý jaǵadaıyntekseredi. Tekserý nátıjesi anyqtamamen resimdeledi, sondaı-aq tekserý júrgizilgen organnyń tıisti jýrnalyna kúnin, ýaqytyn, rejımniń temperatýrasyn, aýanyń ylǵaldylyǵyn, aıyptylyq oryndarynda (AIZO, KÚÚJ, TOO, JK AIZO, KTB, TIZO jáne BK qamalǵan adamdardyń sanyn jeke kórsetip) ustalǵan adamdardyń jáne aryzben shaǵymdanǵan sottalǵandardyń jalpy sanyn kórsetip, tekserý júrgizgeni týraly qysqasha jazba toltyrady. 35. Aı saıyn túzeý mekemelerinde sottalǵandardy, kolonııa qyzmetkerlerin jáne «Eńbek» RMK jumysshylaryn jeke suraqtary boıynsha qabyldaý júrgiziledi. 36.Sottalǵandar arasynda quqyq buzýshylyq pen qylmysqa qarsy áreketterdiń,túzeý mekemelerindegi jedel-izdestirý qyzmetiniń zańdylyǵyna qadaǵalaý júzege asyrylady. 37. Túzeý mekemelerindegi anyqtaýǵa, qylmystyq isti qozǵaý týraly jáne qozǵaýdan bas tartý týra
