Banktiń negizgi baǵyttary talqylanǵan qabyldaý

Memleket basshysy Nursultan Nazarbaev Eýrazııalyq Damý banki basqarmasynyń tóraǵasy Igor Fınogenovti qabyldady, dep habarlady Prezıdenttiń baspasóz qyzmeti. Kezdesýde banktiń elimizdegi jumy­synyń negizgi baǵyttary talqylandy, sondaı-aq, onyń 2006 jyly Qazaqstan men Reseıde ýákiletti ókildigi bekitilgen kezden bergi qyzmetiniń aralyq qorytyndylary shyǵaryldy. Osy jyldar ishinde Qazaqstan ekonomıkasyna 2 mıllıardtan astam dollar salynǵany, elektr energetıkasy, kóliktik mashına jasaý, hımııa ónerkásibi salalarymen qatar, túrli salalarda 28 joba iske asyrylǵany atap ótildi. Qazirgi ýaqytta taǵy 28 joba qaralý ústinde. Memleket basshysy bank jumysynyń kórsetkishteri onyń damýynyń oń dınamıkasyn kórsetetinin atap ótti. Nursultan Nazarbaev bizdiń el banktiń óz qyzmetin keńeıtý, kapıtalyn ulǵaıtý jáne jańa músheler qosý jónindegi nıetine durys qaraıtynyn aıtty. О́z kezeginde, I.Fınogenov banktiń Qazaqstanda jumys isteýi úshin jasalǵan qolaıly jaǵdaıǵa rızashylyǵyn bildirdi. Ol, sonymen qatar Eýrazııalyq Damý banki qyzmetiniń Qazaqstanda memlekettik jáne salalyq baǵdarlamalardyń aıasynda júzege asyrylyp jatqan basymdyǵy bar jobalarǵa shoǵyrlandyrylǵan negizgi baǵyttary týraly baıandady.  Sonymen qatar, banktiń Almatydaǵy shtab-páteri arqyly ekinshi deńgeıli seriktes banktermen shaǵyn jáne orta bıznesti qarjylandyrýdy damytý jóninde jumystar júrgizilýde. EDB basshysy bank óziniń baǵaly qaǵazdaryn shyǵarýdy josparlaı otyryp, Qazaqstannyń qarjy naryǵyn damytýǵa da belsendi qatysatynyn atap ótti. Bul jobalardy ulttyq valıýta arqyly qarjylandyrýdy ulǵaıtýǵa múmkindik beredi. ----------------------------------------- Sýretterdi túsirgender S.BONDARENKO, B.OTARBAEV.