Aımaqtar • 23 Maýsym, 2022

«Qalbataý-Maıqapshaǵaı» tasjolynyń qurylysy qaıta jandandy

25 ret kórsetildi

Elimizdegi qurylysy uzaqqa sozylyp, problemalyq dep tanylǵan «Qalbataý-Maıqapshaǵaı» kúre jolynda qurylys jumystary qaıta jandandy, dep habarlaıdy Egemen.kz.

Osylaısha, bas merdigerdiń aldyna 2022 jyldyń sońyna deıin 250 shaqyrym joldy qolǵa alý mindeti qoıyldy.

«Qurylys konsorsıýmymen kelisimshartqa 2017 jyly qol qoıyldy. Birneshe jyl boıy jobalaý jumystary júrgizildi. Jalpy ýchaske sany —10.

Qaıta qurý jumystarynyń qarqyny  tómen bolyp, merdigerler bekitilgen jumys kestesinen qalyp qoıdy. Negizgi sebep — bas merdigerlerdiń jumysyna salǵyrt qarap, jumys istemeýi.

Qurylys konsorsıýmy bir sheteldik (Qytaı) jáne bir otandyq kompanııadan turdy. Bıylǵy jyldyń aqpan aıynan bastap Qytaılyq kompanııa jáne EksımBankpen kelissózder júrgizdik. Jumysty qytaılyq kompanııa aıaqtaıtyny týraly kelisimge keldik, bas merdiger jyl sońyna deıin joldyń kóp bóliginde jol qozǵalysyn qamtamasyz etýge nıetti. 2023 jyldyń sońyna deıin osy jobany sátti aıaqtaý úshin barlyq qajet sharalardy qoldanamyz. Qalǵan qurylysy uzaqqa sozylyp ketken tasjoldar boıynsha da júıeli jumystar júrgizýdemiz», dedi QazAvtoJol basshysy Meıirhat Qasymbaev.

Qazir 300-ge jýyq arnaıy tehnıka men 400-den astam jumysshy jumyldyrylǵan. Jol qyzmetkerleriniń 90% - y jergilikti turǵyndar, olar tehnıkalyq mamandyqtarǵa beıimdelip, oqyp shyqty.

Eske sala keteıik, respýblıkalyq mańyzy bar avtojoldyń jalpy uzyndyǵy 415 shaqyrymdy quraıdy, qaıta jańartý jumystary aıaqtalǵannan keıin tas jol 2 jolaqty bolady jáne II tehnıkalyq sanatqa sáıkes keledi.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar