Qoǵam • 24 Maýsym, 2022

Elimizde 16,4 myńnan astam mıgrant jumys isteıdi

22 ret kórsetildi

Qazaqstanda 16,4 myńnan astam mıgrant zańdy túrde jumys istep jatyr, dep habarlaıdy Egemen.kz Eńbek jáne halyqty áleýmettik qorǵaý mınıstrligine silteme jasap.

«2022 jylǵy 1 maýsymdaǵy jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 16 424 shetel azamaty eńbek etedi», delingen vedomstvo aqparatynda.

Shetel jumys kúshin tartýǵa kvota kelesi sanattarǵa berilgen:

- basshylar men olardyń orynbasarlary úshin 617 ruqsat (birinshi sanat);

- qurylymdyq bólimshelerdiń basshylary úshin 3 224 ruqsat (ekinshi sanat).

- mamandarǵa 8 020 ruqsat;

- bilikti jumysshylarǵa 926 ruqsat;

- maýsymdyq jumystarǵa 1 506 ruqsat;

- korporatıvtik aýystyrý aıasynda 2 131 ruqsat. 

Mınıstrlik málimetine sáıkes, qazirgi ýaqytta Qazaqstanda eńbek mıgranttarynyń qyzmetin paıdalanatyn 1 762 jumys berýshi bar. Olarda Qazaqstannyń 398 myńnan astam azamaty jumys isteıdi, bul qyzmetkerlerdiń jalpy sanynyń 96%. Eńbek mıgranttary keletin negizgi elder: Qytaı – 3 651 adam, Túrkııa – 1 853 adam, О́zbekstan – 1 605 adam, Úndistan – 1 577 adam, Ulybrıtanııa – 1 113 adam.

Aıta keteıik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi shetel mamandaryn tartýǵa jyl saıyn kvota bóledi. 2022 jylǵa josparlanǵan 28 352 kvota sany 23 560-qa deıin, ıaǵnı 4 792 adamǵa (16%) azaıtyldy.

Aıana Toǵanbek

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar