Qazaqstan • 26 Maýsym, 2022

Qazaqstan men Qytaı aradaǵy áýe qatynasty qaıta jandandyrady

32 ret kórsetildi

Qazaqstan men Qytaı 1 shildeden bastap tikeleı áýe qatynasyn qaıta jandandyrady, dep habarlaıdy Egemen.kz.

QR-daǵy QHR elshiliginiń resmı saıtynda osyǵan baılanysty PTR-test tapsyrý boıynsha ózgerister engiziletini atap ótilgen.

  • Ushýǵa deıingi 48 saǵat ishinde eki PTR-test tapsyrý mindetti. Ekinshi PTR-testti ushýǵa deıingi 24 saǵat ishinde tapsyrý kerek. Ýaqyt sanaǵy bıomaterıaldy alý sátinen bastalady. PTR-testiler elshilik pen Bas konsýldyq taǵaıyndaǵan eki túrli zerthanalarǵa tapsyrylýy kerek.

  • Ushýǵa deıingi 12 saǵat ishinde antıgenge qosymsha test tapsyrý mindetti. Ýaqyt sanaǵy bıomaterıaldy alý sátinen bastalady. Alynǵan test nátıjesin elshilikke nemese Bas konsýldyqqa tekserýge jiberýdiń qajeti joq, ony reıske tirkelý kezinde áýe kompanııasy qyzmetkerine kórsetý kerek.

  • Reıske tirkeýden ótý kezinde áýe kompanııasy qyzmetkerine «kók densaýlyq kody» mobıldi qosymshasy arqyly ashyq (aldyn ala túsirilgen skrınshot qabyldanbaıdy) jáne antıgenge testtiń teris nátıjesi bar anyqtamany (qaǵaz nemese elektrondyq túrde) kórsetý qajet.

  • Jolaýshylar Qytaıǵa ushar aldynda Qazaqstanda ózin-ózi 10 kún oqshaýlap, óz densaýlyǵyn óz betinshe baqylap, tıisti kepil hatqa qol qoıýy tıis.

  • Elshilik pen Bas konsýldyq 1 shildeden bastap Qytaı men Qazaqstan arasyndaǵy úshinshi el arqyly Qazaqstannan Qytaıǵa tranzıttik reıspen júretin jolaýshylardan densaýlyq kodyn alý úshin ótinish qabyldaýdy toqtatady.

  • Tikeleı áýe qatynasy qalpyna keltirilgennen keıin elshilik pen Bas konsýldyq Qazaqstan arqyly úshinshi elden Qytaıǵa tranzıttik reıspen bara jatqan jolaýshylardan densaýlyq kodyn alýǵa ótinishti ýaqytsha qabyldamaıtyn bolady.

Aıana Toǵanbek

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar