Demografııalyq jáne genderlik saıasat: Jańa múmkindikter jasalady

Jıynda komıssııa tóraǵasy, Pre­zı­dent Ákimshiligi basshysynyń oryn­basary Aıda Balaeva komıssııa jumy­sy­nyń negizgi basymdyǵy – adamger­shi­lik-otbasylyq qundylyqtardy nyǵaı­tý, balalardyń quqyqtary men zań­dy múddelerin qorǵaý, áıelderdiń quqyq­tary men múmkindikterin keńeı­tý jónindegi mindetter ekenin atap ótti. «Komıssııa memlekettik otbasy, demo­grafııalyq jáne genderlik saıasat sala­syn­daǵy ózekti mindetterdi aı­shyq­taýǵa baǵyttalǵan bastamalar top­ta­masyn qarastyrady. Olardyń qata­rynda, ana men bala ólimin azaıtý, jasó­s­pirimder arasyndaǵy álimjettik pen sýısıdtiń aldyn alý, jynystyq zorlyq kórsetý qylmystarynan qorǵaý, Genderlik bilim ortalyǵyn qurý jáne taǵy da basqa máseleler bar», dedi A.Balaeva. Sonymen qatar problemalyq máselelerdi sheshý úshin Ulttyq komıssııa alańynda memlekettik organdardy jedel tyńdaý kestesi bar. Onda komıssııanyń saraptamalyq-taldaý jumysyn júrgizý quraldary men tetikteriniń keń aýqymy qarastyrylǵan. Atap aıtqanda, túrli beıimdeý jáne áleýmettik qoldaý ortalyqtaryn ádistemelik súıemeldeý qamtamasyz etiledi, ómirlik qıyn jaǵdaıǵa tap bolǵan balalar men analarǵa qajetti kómek kórsetý múmkindigin qamtamasyz etetin otbasylardyń áleýmettik kartasy jasalady.

Otyrysta balalar men jasóspirim­derge rýhanı-adamgershilik tárbıe berý máselesi de qaraldy. Kámeletke tolma­ǵan­dar arasyndaǵy turmystyq zorlyq-zom­bylyq pen qylmystyń aldyn alý­ǵa, balalarǵa qatysty quqyq qorǵaý qural­daryn damytýǵa baǵyttalǵan profı­laktıkalyq sharalar kesheni usynyldy. Sonymen qatar komıssııa músheleri ata-analar úshin óz balalaryn tárbıeleýmen kóbi­rek aınalysýǵa múmkindikter jasaý­ǵa yqpal etetin quqyqtyq ortany damytý boıynsha birqatar is-shara usyndy.

Aqparat jáne qoǵamdyq damý vıse-mınıstri A.Danılov ortalyq jáne jergilikti deńgeılerdegi memlekettik basqarý júıesinde áıel basshylardyń áleýetin arttyrý boıynsha joba ázirlep, iske asyrýdy usyndy. «Jobany Prezıdent janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııa egıdasy aıasynda BUU-nyń áıelder qurylymymen birlesip iske asyrý josparlanyp otyr. Jobaǵa túrli sarapshylar toby men basqa da halyqaralyq uıymdardy tartý kózdelýde. Joba aıasynda eldiń barlyq aımaǵyndaǵy áıelder men qyzdarǵa arnalǵan oqytý is-sharalary ótkiziledi (semınarlar, trenıngter, sheberlik sabaqtary koých sessııalar). Joba bıyl shilde aıynda bastalady. Atalǵan joba eldiń saıası jáne qoǵamdyq ómirindegi áıelderdiń rólin kúsheıtýge septigin tıgizedi», dedi ol.

Sonymen qatar Ulttyq komıssııa músheleri – Abaı oblysy, «Semeı tańy» gazetiniń bas redaktory Rıza Mol­dasheva men «Talbesik» kópbalaly ana­lar odaǵy» QB basshysy Lázzat Qoja­hmetova otbasy, mektep jáne qoǵam arasyndaǵy baılanysty nyǵaıtý tetikterin keńeı­tý jóninde usynystaryn aıtyp, otba­sy­lyq qundylyqtardy nyǵaıtý, bala tár­bıesindegi áke ınstıtýty másele­leri­ne, problemalyq máselelerdi sheshý monı­torıngine jáne osy baǵyttaǵy komıssııa qyzmetiniń perspektıvalaryn sóz etti.

Otyrysty qorytyndylaǵan komıs­sııa tóraǵasy, Prezıdent Ákimshiligi bas­shy­synyń orynbasary Aıda Balaeva: «Búgin biz azamattyq qoǵamnyń bar­lyq ınstıtýtyn tarta otyryp, Prezı­denttiń genderlik saıasat salasy men bar­lyǵyna teń múmkindik berýge arnalǵan reformasyn ári qaraı iske asyrýǵa qajetti keshendi qadamdar qamtylǵan jospardy bekittik. Komıssııa josparda kórsetilgen barlyq baǵyt boıynsha qoǵammen barynsha ashyq jáne jan-jaqty baılanys ornatyp, aldaǵy ortaq jumysymyzda aldyn alý sharalaryna úlken mán berý kerek», dep memlekettik organdarǵa birqatar tapsyrma berdi.