Qoǵam • 27 Maýsym, 2022

Qazaqstandyqtardyń salyqqa bereshegi 24,3 mlrd teńgege jetti

20 ret kórsetildi

Elimizde jeke tulǵalardyń múlik salyǵy, jer salyǵy jáne kólik quraldary salyǵy boıynsha bereshegi 24,3 mlrd teńgege jetti. Onyń ishinde bereshektiń negizgi somasy kólik quraldary salyǵyna tıesili – 22,8 mlrd teńge. Bul týraly QM Memlekettik kirister komıteti málimdedi, dep habarlaıdy Egemen.kz.

Olardyń ishinde kólik quraldary salyǵy boıynsha salyq mindettemelerinen jaltarǵan avtokólik ıeleriniń eń kóp sany kelesi óńirlerde tirkelgen:

​Almaty qalasynda - 88 myń boryshker boıynsha bereshek 5,2 mlrd. teńge;

Almaty oblysy - 132 myń boryshker boıynsha bereshek 3,9 mlrd. teńge;

Nur-Sultan jáne Shymkent qalalarynda – tıisinshe 2,6 mlrd. teńge jáne 1,9 mlrd. teńge bereshegi bar 76 myń boryshkerden.

2021 jylǵa jeke tulǵalardyń kólik quraldaryna salyq tóleý merzimi 2022 jylǵy 1 sáýirde aıaqtalǵanyn eske salamyz.

2022 jylǵy 17 mamyrdan bastap salyq somasyn ýaqtyly tólemegen tulǵalarǵa 1 AEK-ten joǵary bereshek somalary boıynsha jeke tulǵanyń bereshegin óndirip alý týraly salyq buıryqtaryn joldaý bastaldy. Bereshek tólenbegen jaǵdaıda salyq buıryǵy tabys etilgen kúnnen keıin 5 jumys kúni ótken soń, jeke sot oryndaýshylarynyń óńirlik palatasyna májbúrlep oryndatýǵa jiberiledi.

О́z kezeginde, jeke sot oryndaýshylary «Atqarýshylyq is júrgizý jáne sot oryndaýshylarynyń mártebesi týraly «Qazaqstan Respýblıkasynyń Zańyna sáıkes bank shottary men múlkine tyıym salý túrinde májbúrlep óndirip alý sharalaryn qoldanýǵa quqyǵy bar. Eger qaryz 40 AEK-ten assa, azamatqa elden shyǵýǵa tyıym salynýy múmkin.

Jazǵy kanıkýl jáne demalys maýsymy kezinde jaǵymsyz saldarlardy boldyrmaý úshin Komıtet salyq bereshegi bolǵan jaǵdaıda ýaqytyly tólem júrgizýdi usynady.

Salyq boıynsha bereshektiń bar/joq ekendigi týraly málimetterdi e-Salyq Azamat mobıldi qosymshasy,servıster→Salyq jáne áleýmettik tólemder boıynsha bereshek týraly qyzmeti→JSN-dy engizý arqyly tekserýge bolady.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar