Rásim qańtar oqıǵasynda qaza tapqandardy bir mınýt únsizdikpen eske alýmen bastaldy.
Shekarashylar akademııasyn bitirýshilerge dıplom men keýde belgisin tapsyrý rásimine qatysqan mártebeli qonaqtardyń arasynda Shekara qyzmetiniń generaly Qusaıyn Imanǵalıuly Berqalıev bastaǵan ardagerler de boldy.
Dıplom tapsyrý rásiminen keıin bastalǵan sharanyń alǵashqy sóz kezegi berilgen QR UQK tóraǵasy Ermek Saǵymbaev bitirýshi túlekterdi búgingi ataýly kúnmen quttyqtap, olardyń el shebindegi qyzmetterine sáttilik tiledi. UQK tóraǵasynyń orynbasary – Shekara qyzmetiniń dırektory general-maıor Erlan Aldajumanov osydan tórt jyl buryn kýrsant atanyp, shekara qyzmetiniń taktıkasyn úırenýge kirisken bozbalalar – búgin alǵashqy ofıserlik shenge qol jetkizgen leıtenanttarǵa jaýapty senim artylatynyn jetkizdi.
Jas leıtenanttarmen birge 20-dan astam magıstrant dıplom aldy. Qazaqstandyq shekarashylardan bólek, oqý ornyn Tájikstan jáne Qyrǵyz Respýblıkasynan kelgen 30-dan astam sheteldik kýrsant sátti bitirdi.
