Osy kezeńde sheteldik jumys kúshin zańsyz paıdalaný faktilerin anyqtaýǵa, sheteldikterdi azamattyq sot isin júrgizý tártibimen shyǵaryp jiberýge, kóshi-qon zańnamasyn buzýdyń qylmystyq jazalanatyn faktilerin anyqtaýǵa polıseılerdiń erekshe nazary aýdarylatyn bolady. Sondaı-aq, qonaq úıler boıynsha «Halyqtyń kóshi-qony týraly» zań talaptarynyń saqtalýy týraly túsindirý jumystary júrgizilýde, dep Pavlodar oblysy PD kóshi-qon qyzmeti bastyǵynyń m.a. Gomar Shárıpıdenov habarlaıdy.
Atalǵan is-sharanyń eki kúninde 124 sheteldik azamat elde bolý erejelerin buzǵany úshin jazaǵa tartyldy, onyń 60-y eńbek qyzmeti erejelerin buzǵany úshin, 11 jumys berýshi eńbek qatynastaryn qamtamasyz etpegeni úshin tartyldy.
Máselen, Novosibir oblysynyń 44 jastaǵy turǵyny memlekettik shekarany aınalyp ótip, Qazaqstanǵa kirip, polısııa qyzmetkerlerimen ustaldy.
Zańsyz enýdiń maqsatyn sheteldik endi tergeýshige túsindiretin bolady.
Sonymen qatar, Pavlodar qalasynda salynyp jatqan nysandardyń birinde О́zbekstannyń 8 azamaty tıisti ruqsatsyz qurylys jumystaryn júrgizgen.
Endi olardyń jalaqysy aıyppuldy jabýǵa ketedi, jumys berýshi de ákimshilik aıyppuldy kútedi.
