Qoǵam • 02 Shilde, 2022

Elordada jyl basynan beri 430 júrgizýshi jol erejelerin buzǵan

56 ret kórsetildi

Elorda joldarynda qozǵalys erejelerin buzǵan 430 júrgizýshi kólikke alkogoldik ishimdik iship otyrǵan,dep habarlaıdy Egemen.kz qalalyq PD baspasóz qyzmetine silteme jasap. 

«Elordada jyl basynan beri 40 myńǵa jýyq JQE buzýshylyq anyqtaldy, onyń ishinde 430 júrgizýshi mas kúıinde bolǵan. Kommýnaldyq turaqqa 1 332 avtokólik ornalastyryldy. Mas kúıinde basqarý quqyǵynan aıyrylǵan kólik quralyn júrgizgeni úshin QR QK 346-baby boıynsha 44 júrgizýshi jaýapkershilikke tartyldy», delingen departament aqparatynda.

Anyqtalǵandaı, jol qozǵalysy erejelerin buzǵandar arasynda kólik júrgizý quqyǵynan aıyrylǵandar da joq emes.

«30 maýsym kúni saǵat 4:20-da Nur-Sultan qalasy PD mamandandyrylǵan patrýldik polısııa batalonynyń qyzmetkerleri Qonaev kóshesi men Máńgilik El dańǵylynyń qıylysynda «Nissan Almera» markaly avtokóligin toqtatty. 23 jastaǵy júrgizýshiniń qujattaryn tekserý kezinde alkogoldiń ıisi shyqqan. Medısınalyq kýálandyrý nátıjeleri boıynsha jeńil dárejedegi alkogoldik masańdyq anyqtaldy. Júrgizýshiniń osy jylǵy mamyrda avtokólik quralyn basqarý quqyǵynan aıyrylǵany belgili boldy. Tártip buzýshyǵa qatysty QR QK 346-baby «Kólik quraldaryn basqarý quqyǵynan aıyrylǵan jáne alkogoldik masań kúıdegi adamnyń kólik quralyn basqarýy» boıynsha sotqa deıingi tergeý bastaldy», delingen habarlamada.

Tártip buzýshy qalalyq PD ýaqytsha ustaý ızolıatoryna qamaldy, al onyń avtokóligi kommýnaldyq turaqqa qoıylǵan.

Sońǵy jańalyqtar

Uqsas jańalyqtar