Bıýro málimetine qaraǵanda, 1998 jyly el astanasy atanǵan Aqmola qalasynda 326 myń adam turǵan. Sodan beri elorda turǵyndarynyń sany 4 esege jýyq ósip, qazir 1 mln 262 myń adamǵa jetti.
Astanada áıel adamdardyń sany basym. Eger sol ýaqytta qalada 174 myń áıel jáne 152 myń er adam turǵan bolsa, qazir áıelder sany – 657 myń (52%), erler – 605 myń (48%).
1998 jyly elordada 3 400 bala dúnıege kelse, 2021 jyly 31 myń bala týǵan, osylaısha týý koeffısıenti 11-den 25,9-ǵa (myń adamǵa shaqqanda) deıin ósti.
1998 jyly qalada 48 jalpy bilim beretin mektep jumys istegen. Qazir olardyń sany – 147. Al, aýrýhana uıymdarynyń sany 15-ten 45-ke deıin artty.
