Atyraý oblystyq polısııa departamentiniń baspasóz qyzmeti bul faktini rastady.
Teńiz ken ornyndaǵy jarylys búgin, 6 shildede jergilikti ýaqytpen saǵat 09:55 shamasynda bolǵan.
Aldyn ala derekterge sáıkes, ken ornyndaǵy atmosferalyq gazy bar qubyrda gıdrotest júrgizilgen. Nátıjesinde, qysymǵa tótep bere almaǵan qubyr jarylyp ketken.
«Jylyoı aýdanynda ornalasqan Teńiz qalashyǵynda qubyr jarylyp, sonyń saldarynan 1985 jyly týǵan eki qyzmetker qaıtys boldy. Úsh adam jaraqattandy. Zardap shekken 3 qyzmetkerge medısınalyq kómek kórsetilip jatyr», delingen PD baspasóz qyzmetiniń habarlamasynda.
Qazir atalǵan fakti boıynsha QR Qylmystyq kodeksi 156-babynyń 3-bólimimen sotqa deıingi tergeý amaldary bastaldy. О́zge aqparat QR Qylmystyq-prosestik kodeksiniń 201-babyna sáıkes jarııalaýǵa jatpaıdy.
Ken ornyndaǵy jarylysqa baılanysty atmoferalyq gazy bar qubyrda gıdrotest júrgizý jumystary tolyǵymen toqtatyldy. Tıisti organdar tehnıkalyq qaýipsizdik talabynyń saqtalýyna baılanysty tekserýdi bastady.
