«Almatyda baǵanyń joǵary ósý qarqyny saqtalyp otyr. Jyl basynan bergi 6 aıdyń qorytyndysy boıynsha ınflıasııa – 10,3%. Inflıasııanyń negizgi úlesi birinshi kezekte azyq-túlik baǵasynyń ósýi esebinen qalyptasty, ol 16,4 paıyzǵa jetti», dedi Almaty ákimi.
Onyń aıtýynsha, qant baǵasy 2 ese ósip, qazir 560 teńgeden satylyp jatyr.
«Budan bólek, pııazdyń baǵasy 156 teńgege deıin kóterildi. Nan 95 teńge, sút 18%-ǵa ósti. Olardyń tutyný baǵasynyń ındeksindegi úlesi – 2,2 prosenttik tarmaq. Jumyrtqa baǵasy 0,4%-ke tómendedip, 460 teńge turady», deıdi Erbolat Dosaev.
Qazir qalada sıyr eti 2 350 teńgeden saýdalanyp jatyr. Sary maı 5,6 paıyzǵa ósti, kelisi – 3 400 teńge.
«Jetkizý tizbeginiń buzylýy jáne teńge baǵamynyń turaqsyzdyǵyna baılanysty ınflıasııa áli de joǵarylaýy múmkin», deıdi Erbolat Dosaev.
