Janarmaı baǵasy buryn-sońdy bolmaǵan deńgeıge kóterilip, avıakompanııalar úlken shyǵynǵa batýda. Endi demalýshylar áýe jolynyń quny qymbattaıtynyna daıyn bolýy kerek.
«Ushý tutynýshylar úshin qymbatqa túsetini sózsiz, munaıdyń joǵary baǵasy bılet baǵasynyń qymbattaýyna sebep boldy», dedi Halyqaralyq áýe kóligi qaýymdastyǵynyń (IATA) bas dırektory Vıllı Ýolsh.
Munaı baǵasy koronavırýs pandemııasynan qalpyna kele bastaǵan elderde suranystyń artýyna baılanysty ósýede.
Sonymen qatar AQSh-tyń jáne Ulybrıtanııa men EO elderiniń reseılik munaı ımportyn kezeń-kezeńimen toqtatý josparlary basqa óndirýshilerden munaıǵa suranystyń artqanyn bildiredi, bul óz kezeginde baǵanyń ósýine ákeldi.
