Reseı Federasııasynyń Iаkýtsk qalasynda uıymdastyrylǵan olımpıada matematıka, fızıka, hımııa jáne ınformatıka pánderi boıynsha ótti. Jas erekshelikterine qaraı kishi jáne úlken lıgaǵa bólingen olımpıadada Shyńǵys hımııa páni boıynsha baq synady.
«Olımpıadaǵa Shyńǵys tyńǵylyqty daıyndaldy. Túrli esepterdi shyǵaryp, teorııalyq bilimin tolyqtyrdy. Reseı, Sıngapýr, Indonezııa, Rýmynııa syndy kóptegen alpaýyt eldiń órenderimen bilim jarystyrǵan shákirtimiz alǵashqy kezeńde kúrdeli teorııalyq esepterdi shyǵarsa, kelesi praktıkalyq kezeńde aldyn ala jasalǵan eksperımentter boıynsha qorytyndy jasady. Nátıjesinde, ózgelerden ozyp shyqty», dedi jeńimpazdyń ǵylymı jetekshisi, hımııa pániniń muǵalimi Asylbek Orazbekov.
Uıymdastyrýshylar bıylǵy olımpıadany ishteı jáne qashyqtan aralas úlgide ótkizýdi jón kórgen. Reseılik jas daryndardan ózge sheteldik oqýshylarǵa qashyqtan qatysýǵa múmkindik berildi. Dese de bul olımpıada barysyn qadaǵalaýdy jeńildetken joq. О́ıtkeni ár qatysýshy Proktorıng júıesi boıynsha qatań baqylandy.
Abaı oblysy
