Forýmnyń basty mindeti áıelderdi damytý salasyndaǵy sońǵy 30 jylda qol jetkizgen birlesken jumys nátıjelerin talqylaý, tájirıbe jáne úzdik tájirıbemen almasý, sondaı-aq Turaqty damý salasyndaǵy kún tártibi sheńberindegi maqsattardy ilgeriletý boldy.
Forým Qytaı men Ortalyq Azııa elderi arasyndaǵy dıplomatııalyq qatynastardyń ornaǵanyna 30 jyl tolýyna arnalǵan. Oǵan Qytaı Halyq Respýblıkasynan, Ortalyq Azııanyń bes elinen 200-den astam delegat jáne Shanhaı yntymaqtastyq uıymynyń ókilderi qatysty. Elder delegasııalaryn kóshbasshy áıelder, áıelder isteri jónindegi memlekettik uıymdardyń jáne áıelder uıymdarynyń basshylary, densaýlyq saqtaý, ǵylym jáne tehnıka salasyndaǵy belgili mamandar, OA elderiniń elshileri, halyqaralyq uıymdardyń dıplomattary qatysty.
Forýmnyń ashylýynda QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy, QR Prezıdenti Ákimshiligi Basshysynyń orynbasary Aıda Balaeva quttyqtaý sóz sóıledi.
A. Balaeva óz sózinde Qazaqstan táýelsizdik alǵan sátten bastap áıelderdiń quqyqtaryn qorǵaý kepildikterin oryndaýda nyq turǵanyn aıtty. Ulttyq komıssııa tóraǵasy: «Bul mindettemelerdi biz ózimizge 1995 jyly Beıjiń is-qımyl platformasyna qol qoıý, sondaı-aq 1998 jyly áıelderge qatysty kemsitýshiliktiń barlyq nysandaryn joıý týraly Konvensııany ratıfıkasııalaý arqyly alǵan bolatynbyz», dep atap ótti.
«2020 jyly Qazaqstan Prezıdentiniń tapsyrmasy boıynsha saılaý partııalyq tizimderinde áıelder men jastar úshin 30% kvota engizý áıelder quqyǵyn saıası ilgeriletý baǵytyndaǵy mańyzdy qadam boldy. Depýtattyq mandattardy bólý kezinde kvotany mindetti esepke alý týraly norma zańnamalyq túrde bekitildi. Sheshim qabyldaý deńgeıinde áıelderdiń 30%-dyq úlesine qol jetkizý týraly mindet qoıyldy.
Búginde óńirdegi genderlik meınstrımıng boıynsha Qazaqstan kóshbasshy bolyp tanyldy. О́tken jyldyń maýsym aıynda Parıjde ótken Beıjiń is-qımyl platformasynyń 25 jyldyǵyna arnalǵan «Teńdik urpaǵy» jahandyq forýmy aıasynda Qazaqstan Prezıdenti Q.Toqaev genderlik zorlyq-zombylyq jáne ekonomıkalyq ádilettilik boıynsha kópjaqty áriptestik koalısııalary aıasynda Qazaqstannyń ózine mindettemeler alǵanyn aıtty», dep málimdedi Aıda Balaeva.
Sondaı-aq, Qazaqstan delegasııasynyń jetekshisi: «Biz úshin dostas eldermen genderlik teńdik salasyndaǵy jumys tájirıbemizben bólisý, birlesken gýmanıtarlyq mıssııalarǵa kómek kórsetý jáne qatysý óte mańyzdy. Osylaısha, óńirlik aýqymda Qazaqstan aýǵan áıelderin Qazaqstan men О́zbekstan ýnıversıtetterinde oqytý boıynsha Eýroodaqpen birlesken baǵdarlamaǵa bastamashylyq etti», dep atap ótti.
Aıda Balaeva Forým alańy ózekti máselelerdi birlesip talqylaýǵa jáne olardyń tıimdi sheshý joldaryn anyqtaýǵa múmkindik beretinine senim bildirdi.
Forýmda densaýlyq saqtaý salasyndaǵy qazaqstandyq ǵylymdy «Bıologııalyq qaýipsizdik problemalaryn ǵylymı-zertteý ınstıtýty» RMK Bas dırektory, qazaqstandyq QazVac vaksınasyn ázirleýshi Kúnsulý Zakarıa tanystyrdy.
Forýmǵa qatysýshylar Qytaı men Ortalyq Azııa qarym-qatynastarynyń 30 jyldyq damýy ulttyq deńgeıde damýǵa serpin berip qana qoımaı, óńirdegi beıbitshilikti qoldaý úshin naqty jaǵdaı jasaǵanyn atap ótip, mynadaı bastamalardy kóterdi: birlesken kúsh-jigerdi óńirdegi beıbitshilik damý men qaýipsizdik pen turaqtylyqty qorǵaýǵa baǵyttaý; áıelderdiń jan-jaqty damýy úshin qolaıly jaǵdaı jasaý; «Bir beldeý jáne bir jol» bastamasyn birlesip iske asyrýǵa áıelderdiń kúshin jumyldyrý.
