Jastar saıasaty durys baǵytta qurylýy qajet

Azııadaǵy ózara is-qımyl jáne senim sharalary keńesi (AО́SShK) Jastar keńesiniń V otyrysyna Qatar, Iordanııa, Izraıl, Palestına, О́zbekstan, Iran, Reseı, Qyrǵyzstan, Qytaı, Pákistan, Tájikstan, Taıland, Bangladesh, Irak jastar qoǵamdastyqtary men mem­le­kettik organdarynyń jáne BUU Damý baǵdarlamasy, TúrkPA halyqaralyq uıymdarynyń ókilderi keldi. Sarapshylar jastardyń ǵylym, bilim salasyndaǵy múmkindikterin sóz etti.

Moderator, Aqparat jáne qoǵamdyq damý vıse-mınıstri Aleksandr Danılov eldegi jastar baǵdarlamalaryna toqtaldy. «Búginde elimizde jastardy túrli salalarda qoldaý men yntalandyrý boıynsha memlekettik jobalar sátti júzege asyrylýda. Máselen, «Bolashaq» halyqaralyq stıpendııasy arqyly jyl saıyn júzdegen maman álemniń úzdik oqý oryndarynda bilim alyp keledi. Sondaı-aq «Prezıdenttik jastar kadrlyq rezervi» jobasy túrli sala jastaryn memlekettik qyzmetke kelýine jol ashyp otyr. Budan bólek saıası partııalardyń saılaýaldy partııalyq tizimderine engen 29 jasqa deıingi áıelder men jas­tar úshin mindetti 30 paıyzdyq kvota engizildi. Bul – jastarǵa úlken kómek», dedi vıse-mınıstr.

Sonymen qatar A.Danılov barlyq oblysta ashylyp, jumysy aqsap turǵan Jastar resýrstyq ortalyqtarynyń qyzmetin qaıta qarap, tıimdi baǵytta jandandyrý qolǵa alynatynyn jetkiz-di.

«Qazir ortalyqtardyń tıimdi jumys isteý ádisterin oılastyryp jatyrmyz. Sondaı-aq ákimder janyndaǵy Jastar saıasaty jónindegi jastar keńesterin qaıta iske qosý – aldymyzda turǵan úlken mindetterdiń biri. Formalızmnen góri is-áreketke beıimdi jastardy tartqymyz keledi. Oǵan qosa taǵy da jas tehnıkterge, bıznesmenderge, qarapaıym jastar jumys kúshteriniń odan ári damýyna qajetti baǵdarlamalar qabyldap, júzege asyrtýǵa nıettimiz. Árıne, ony álemdik tájirıbeden qarap, sarapshylarymen pikirlesip júzege asyramyz», dedi A.Danılov.

Búgingi tańda álemdegi 8 mlrd halyqtyń 2 mlrd-tan astamyn jastar quraıdy. Sarapshylar jastardyń elge «paıdaly» bolýy memleket kórsetken qoldaýǵa tikeleı baılanysty ekenin aıtady. Máselen, О́zbekstan ár saladaǵy jas mamandarǵa qajetinshe qarjylyq qoldaý kórsetedi.

«Elimizde JOO-da oqý aqysyn tóleýde qarjylyq qıyndyqtarǵa tap bolǵan daryndy jastardy qoldaýdyń jańa júıesi quryldy. Onda jeńildetilgen sharttar negizinde bilim berý nesıesin bólý qarastyrylǵan. Sonymen qatar maksımaldy balldyń 75 paıyzyn jınaǵan jastardyń halyqaralyq emtıhan tapsyrý shyǵyndaryn óteý, sondaı-aq tutynýshylyq nesıeler boıynsha paıyzdardy óteý júıesi engizildi. Elimizde Million Programmers atty baǵdarlama júzege asyryldy. Bul IT salasynyń mamandaryn qoldaýǵa arnalǵan. Osy baǵdarlama boıynsha sertıfıkat alǵan­darǵa qajetti qural-jabdyqtar satyp alý úshin qajettilikterine qaraı qarjy bólindi», dedi Keńeste sóz alǵan О́zbek­stannyń búkilálemdik jastar qaýym­das­tyǵy tóraǵasy mindetin atqarýshy Istamjon Hamroev.

Jastar keńesi Qazaqstannyń AО́SShK-ge tóraǵalyq etken sátinen bas­tap ekinshi ret ótkizildi. Byltyr pande­mııaǵa baılanysty is-shara onlaın for­matta ótken edi. Keńes negizinen jas­tar­dyń ózekti máselelerin álemdik deńgeıde talqylap, tájirıbe almasýdy kózdeıdi.

«Jastar saıasaty olardyń barlyq máseleni qamtýy qajet. Oqý-aǵartý, jumyspen qamtý jáne áleýmettik máse­leler óte ózekti. Osy oraıda árbir el osy salada qandaı baǵdarlama, ádis­te­meler qabyldap, júzege asyrǵanyn tal­qyǵa salyp, tıimdi jaqtaryn usynsa basqa elderge úlken kómek. Sondyqtan jastardyń ózekti problemalaryn álemdik deńgeıde talqylap, pikir almasý, tájirıbemen bólisý mańyzdy. Ásirese Qazaqstan jastar saıasatyn endi ǵana qalyptastyryp jatyr, osy oraıda bul kezdesý taptyrmaıtyn platforma bolyp otyr», dedi AО́SShK Hatshylyǵynyń atqarýshy dırektory Qaırat Sarybaı. 

Jalpy, Azııadaǵy ózara is-qımyl jáne senim sharalary keńesiniń Jastar keńesi – konsýltatıvtik-keńesshi organ. Ol uıymǵa múshe memleketter qyzmetiniń baǵyttary sheńberinde jas­tar uıymdarynyń, birlestikteriniń, qozǵalystarynyń úılestirý qyzmetin júzege asyrady. AО́SShK shaqyrý týraly ıdeıany Qazaqstan 1992 jylǵy 5 qazanda BUU Bas Assambleıasynyń 47-sessııasynda bastamashylyq etti. Bul bastamanyń qozǵaýshy kúshi – Azııada beıbitshilik pen qaýipsizdikti qamtamasyz etý boıynsha tıimdi ári qolaıly qurylym qurýǵa umtylý.

Otyrys qorytyndysy boıynsha qaty­sýshylar AО́SShK-niń jastar uıym­darymen dıalog pen áriptestik qatynas­taryn jandandyrýǵa, sondaı-aq jastar arasyndaǵy radıkalızmmen, sýı­sıdtiń joǵary deńgeıimen jáne esirt­kige táýeldilikpen kúresýge, ózekti má­selelerdi sheshýge jastar qoǵamdas­tyq­tarynyń qatysýyn qoldaýǵa kelisti.