«Otandastar Qory» kommersııalyq emes aksıonerlik qoǵamynyń uıymdastyrýymen 17-28 shilde kúnderi 12 men 17 jas aralyǵyndaǵy sheteldegi qazaq balalaryna arnalǵan jazǵy lager ótýde.
Lager Aqmola oblysy, Býrabaı aýdany, Shýche kóliniń ońtústik shyǵys jaǵalaýynda ornalasqan «IQanat High School of Burabay» mektebiniń bazasynda uıymdastyrylǵan.
Qazaqtyń uly aqyny Abaı Qunanbaıulynyń tujyrymdamasyna saı talap, eńbek, tereń oı, qanaǵat, raqym qundylyqtaryna negizdelgen bul lagerge Fransııa, Túrkııa, Iran, Qyrǵyzstan, Qytaı, Mońǵolııa, О́zbekstan, Reseıden 84 qazaq balasy kelgen.
Sonymen qatar qazaqtyń ulttyq bolmysy, salt-dástúr, óneri men zamanaýı bilim, ǵylym tendensııalaryn onyń ishinde STEM, robototehnıka, kásipkerlik, jobalardy basqarý daǵdylary ushtastyrǵan.
Lagerdiń ashylý saltanatynda «Otandastar Qorynyń» prezıdenti Abzal Saparbekuly qatysýshylardy Balalar jylymen quttyqtap, Atajurtqa kelip alańsyz boı sergitip, oı jınaqtap, tamasha demalys ótkizýine tilektes ekenin aıtty.
«Ár elden kelip, túrli tilderde sóılep ósken jasóspirimder jınala qalsa, birin biri tek qazaq tilinde sóılegende ǵana túsine alady. Osylaısha tájirıbe jınap qazaq tiline degen qushtarlyqtary oıanady», deıdi aksıonerlik qoǵamnyń prezıdenti.
Sheteldegi qazaq balalaryna arnalǵan jazǵy lagerler 2019 jylydan bastaý alǵan edi. Sol jyly 5 túrli baǵytta jazǵy demalystar uıymdastyrylyp 600 ge jýyq qazaq balasy Qazaqstanǵa kelgen bolatyn.
Eki jyl pandemııa kesirinen uıymdastyrylmaǵan bul sharalar bıyldan bastap qaıta júzege asa bastady.
