Zııatkerlik menshikti qorǵaý salasy kúsheıedi

Jańa zań quqyqtardy ujymdyq negizde basqaratyn uıymdardyń jáne patenttik senim bildirilgen ókilderdiń qyzmetiniń ashyqtyǵyn qamtamasyz etýge arnalǵan. Sondaı-aq qujatta zııatkerlik menshik qu­qyqtary men ónerkásiptik men­shik obektilerin qorǵaýdy kú­sheı­tý má­selesi qarastyrylǵan. Jal­py al­ǵanda, otandyq taýar óndirý­shi­ler­di álemdik naryqqa shyǵý­la­ryn kózdeıdi.

Elimizde ekologııalyq taza ónim­der kóptep shyǵarylady. Sha­ǵyn jáne orta bıznes ókilderi taza tabıǵı qundylyǵyn saqtaı otyryp ár aımaqtyń brendtik ónim­de­rin óndirip otyr. Biraq olar ishki naryqty ǵana qamtyp, syrtqa shy­ǵýǵa qaýqary jetpeıdi. Ol úshin memleketten qoldaý qajet bola­tyn. Endi, mine, jańa zańǵa «geog­rafııalyq kórsetkish» jańa obek­tisi engizildi. Atalǵan túzetý otandyq taýar óndirýshilerge ja­ńa múmkindiktermen álemdik na­­ryqqa shyǵýǵa jol ashady. Osylaısha, Almatynyń aporty, Qyzylordanyń qaýyny men kú­ri­shi, Kókshetaýdyń bal­muzdaǵy, Lepsiniń baly, qazaq­stan­dyq shokolad, Shubarkól kómiri, Túrgen sharaptary sekildi otandyq ónim­der­diń eksportqa joly ashyl­maq. Alaıda óndirilgen ónim tolyq­taı «óz jerinen» óńdelip baryp tu­ty­nýshyǵa jetýge tıis.

«О́ndiriletin ónimniń barlyǵy tuqymnan bastap tutynýshyǵa da­ıyn kúıinde jetetin aralyqtaǵy bar­lyq prosester sol jerde, óńirde atqarylýǵa tıis. Máselen, ónim óń­de­lip, al onyń qorap, jáshikterge sa­lynýy óz óńirde júzege asyrylmaýy qajet. Sondaı-aq ónimniń ón­di­ril­gen jeri taýardyń japsyrma­syn­da mindetti túrde kórsetilýi kerek. Geografııalyq kórsetkishter óte mańyzdy. Qazaqtyń tabıǵı taza ónim­derin álemge tanytýdy maqsat etip otyrmyz», deıdi «Ulttyq zııat­ker­­lik menshik ınstıtýty» RMK dı­­rek­torynyń orynbasary Aıdyn Artyqova.

Ádilet vıse-mınıstri Aqerke Ahmetovanyń aıtýynsha, tirkel­me­gen ónerkásiptik úlgilerdi qysqa merzimdi qorǵaý engiziledi. Bul Eýro­palyq odaqpen Keńeıtilgen áriptestik jáne yntymaqtastyq týraly kelisim sheńberinde qabyl­dan­ǵan mindettemelerge sáıkes keledi.

«Mundaı qorǵaý quqyq ıelený­shi­lerdi biregeı buıymdar­dyń syrtqy túrin tikeleı kóshirýden qor­ǵaýǵa múmkindik beredi. Taýar tań­balary, geografııalyq kórset­kish jáne taýarlardyń shyǵarylǵan jeriniń ataýlary jónindegi «oppo­zı­sııalyq» júıe múddeli tulǵa­larǵa ótinimdi qaraý kezeńinde sa­rap­tama jasaý uıymyna qarsy­lyq jiberýge múmkindik beredi. Bul nysandardy tirkeýge daý aıtýdyń yqtımal táýekelderin joıady», deıdi Ádilet mınıstriniń orynbasary A.Ahmetova.

Sondaı-aq Ádilet mınıstrligi zııatkerlik menshik salasyndaǵy zańǵa táýeldi 10 aktige tıisti túze­týler engizbek. Atap aıtqan­da, obek­tilerdi tirkeý jáne memleket­tik qyzmetter kórsetý rásimderi bóli­gi­niń keıbir tarmaqtary ózger­mek. Buǵan qosa mınıstrlik múddeli memlekettik organdardy tarta otyryp, zııatkerlik menshikti odan ári damytýdyń 2024 jylǵa deıingi jol kartasyn ázirledi.

«Bul karta zııatkerlik menshik júıesin sıfrlandyrý, onyń ishinde joǵary oqý oryndarynyń janynan tehnologııalar men ınnovasııalardy qoldaý ortalyqtaryn qurý jónindegi is-sharalardy kóz­deıdi. Jaqynda jumys bas­taldy. Respýblıka boıynsha Atyraý, Aqtóbe, Batys Qazaqstan, Qaraǵandy, Jambyl oblystaryn qosa alǵanda, Nur-Sultan, Almaty qalalarynda osyndaı 13 ortalyq quryldy. Sondaı-aq ınnovasııalardy yntalandyrý, tehnologııalardy berý, quqyq qoldaný praktıkasyn, kadrlardyń normatıvtik-quqyqtyq jáne halyqaralyq quqyqtyq bazasyn jetildirý jónindegi is-sharalar qarastyrylǵan. Halyqaralyq yn­tymaqtastyq sheńberinde zań­namany ósimdikterdiń jańa sorttaryn qorǵaý jónindegi halyq­aralyq konvensııamen úılestirý, soqyr nemese kórý qabileti bu­zyl­ǵan jáne ózge de qabileti shek­teýli adamdardyń qol jetkizýin jeńildetýdiń Marrakesh shartyna qosylý boıynsha usynys­tar ázirleý, baspa basylymyn qabyldaý, spýtnıkter arqy­ly beriletin alyp júretin baǵdarlamalar men sıgnaldardy taratý týraly Brıýssel konvensııasy boıynsha is-sharalar ótkizýdi josparlap otyrmyz», deıdi Aqerke Ahmetova.