Tóbelestiń vıdeosy áleýmettik jelide tarap jatyr.
Almaty qalalyq polısııa departamentiniń málimetinshe, 26 shildede túngi saǵat bir shamasynda Almaty Halyqaralyq áýejaıy aýmaǵyndaǵy týrıstik polısııa beketiniń quramyndaǵy polısııa qyzmetkerlerine er adam kelip, kólik turaǵynda tóbeles bolyp jatqanyn aıtqan.
«Aqparat rastaldy, anyqtalǵanyndaı ishimdik ishken úsh er adam tóbeles shyǵardy. Olar polısııa qyzmetkerleriniń talabyna agressııamen jaýap berdi. Tóbelesýshilerdiń biri, buryn sottalǵan 1994 jyly týǵan Ý. esimdi azamat syranyń shyny bótelkesin syndyryp, polıseıge qaraı júgirip, ony soqqyǵa jyqpaq boldy. Aýyr qylmystyń jolyn kesken tártip saqshysy qyzmettik qarýynan aspanǵa eskertý oq atty», dep habarlady qalalyq polısııadan.
Nátıjesinde tóbeleske qatysýshylar ustaldy. Olar - Almaty jáne Túrkistan oblystarynyń turǵyndary. Ekeýi - adam tonaǵany jáne bótenniń múlkin urlaǵany úshin buryn sotty bolǵan.
«Olardyń áreketi QK-niń 293-baby 2-bóligi – buzaqylyqpen saralanyp, qamaýǵa alyndy. Atalǵan derek boıynsha sotqa deıingi tergeý bastaldy», dep atap ótti vedomstvodan.
Sonymen qatar qyzmettik qarýdy qoldaný deregi boıynsha tekserý taǵaıyndaldy.
