Kelissózderge qazaqstandyq Air Astana jáne SCAT áýe kompanııalarynyń ókilderi, sondaı-aq túrik áýe kompanııalarynyń - Turkish Airlines, Pegasus Airlines, Tailwind Airlines, Freebird Airlines ókilderi qatysty.
Kelissózder qorytyndysy boıynsha Qazaqstan men Túrkııa arasyndaǵy ruqsat etilgen reısterdiń sanyn 2 eseden artyq, ár tarap boıynsha aptasyna 40-tan 93 reıske deıin, onyń ishinde Nur-Sultan – Ystanbul baǵyty boıynsha reıster sanyn 7-den 14-ke deıin, Almaty – Ystanbul baǵyty boıynsha aptasyna 13-ten 21-ge deıin arttyrý, sondaı-aq eki el aýmaǵyndaǵy reısterge arnalǵan jańa qalalar qosý týraly kelisimge qol jetkizildi.
Básekelestikti damytý jáne áýe bıletteriniń qunyn tómendetý maqsatynda qazaqstandyq taraptyń bastamasymen Nur-Sultan, Almaty jáne Ystanbul qalalary aralyǵyndaǵy baǵyttarda balamaly ekinshi áýe tasymaldaýshylaryn mindetti túrde belgileý bekitilgen, bul jolaýshylar úshin áýe kompanııalary arasyndaǵy tańdaýdy keńeıtedi. Elder arasyndaǵy reıster sanynyń aıtarlyqtaı artýy TMD elderinen Túrkııaǵa Qazaqstannyń áýe toraptary arqyly ósip kele jatqan tranzıttik jolaýshylar aǵynyn qamtamasyz etýge de yqpal etedi.
