Jyly shyraıda ótken áńgime barysynda yntymaqtastyq qalyptastyrý maqsatynda birlesken baǵdarlamalar men sheteldegi belsendi otandastar, elge oralǵan qandastar týraly, sonymen qatar mádenıet, óner, ulttyq qundylyqtar baǵytyndaǵy saıt jáne gazet betterinde arnaıy aıdarlar ashýǵa, qazaq dıasporasyna arnalǵan is-sharalar jumysyna aqparattyq qoldaý kórsetý úshin jobalar men baǵdarlamalar jasaýǵa kelisti.
Sonymen qatar «Otandastar Qory» KeAQ janynan qurylǵan shet elderdegi qazaq tildi buqaralyq aqparat quraldarymen aqparat almasýǵa, birlese jobalar júrgizýge, ózara yntymaqtastaq ornatyp, arnaıy mamandaryn túrli kásibı baǵyttarda tájirıbeden ótkizý jáne sheberlik saǵattaryn uıymdastyrý týraly da sóz qozǵaldy.
«Basty maqsatymyz – búkil álem qazaqtaryn tarıhı jáne etnıkalyq Otany tóńireginde biriktirý. Negizgi baǵyttarymyz – sheteldegi qazaqtardy aqparattyq-konsýltasııalyq qamtamasyz etý jáne mádenı-gýmanıtarlyq qoldaý. Osy baǵytta «Egemen Qazaqstan» respýblıkalyq gazetimen» ortaqtasa otyryp «Otandastar» degen ataýmen 3 aıda bir, ıaǵnı toqsanda bir shyǵatyn jýrnal shyǵarýdy josparlap otyrmyz», dedi A.Saparbekuly.
«Egemen Qazaqstan» respýblıkalyq gazeti» JShS Bas dırektory Darhan Qydyráli «Otandastar qory» KeAQ prezıdenti Abzal Saparbekulyna rızashylyǵyn bildirip, qordyń jumysyna sáttilik tiledi. Sondaı-aq qandastar máselesine «Egemen Qazaqstan» respýblıkalyq gazeti beıjaı qaramaıtynyn alǵa tartyp, elimizdiń bas gazetinde О́zbekstan, Mońǵolııa, Túrkııa, Reseı jáne Irandaǵy qandastarymyzǵa qatysty materıaldar júıeli túrde jarııalanyp otyratynyn tilge tıek etti. Kezdesý barysynda Darhan Qydyráli myrza búginde qolǵa alynyp jatqan, «Otandastar» jýrnalynyń shyǵýyna jáne aqparattyq kontent jasaýǵa, redaksııalaýǵa qoldaý kórsetýge daıyn ekenin jetkizdi.
«Biz aqparattyq qoldaý kórsetýge árdaıym daıynbyz. «Egemen Qazaqstan» gazetinde shettegi qandastarǵa, elge qonys aýdaryp kelgen qandastarǵa asa kóńil bólýge tyrysyp otyramyz. Shalǵaıdaǵy qazaqtarǵa qatysty arnaıy materıaldar jazyldy. Aldaǵy ýaqytta qandastar máselesin kóteretin arnaıy aıdar ashýǵa da bolady», dedi D.Qydyráli.
Taraptar yntymaqtastyq qalyptastyrý maqsatynda birlesken baǵdarlamalar men qazaq dıasporasyna arnalǵan is-sharalar jumysyna aqparattyq qoldaý kórsetý úshin jobalar men baǵdarlamalar jasaýǵa kelisip eki jaqty memorandýmǵa qol qoıýǵa ýaǵdalasty.
