Aıtylǵan sóz oryndalýymen qundy

Prezıdenttiń osy saıası ustanymyn iske asyrý úshin bılik pen qoǵam arasynda tyǵyz baılanys ornap, zor jaýapkershilikpen qatar olardy júzege asyrý prosesine qatań baqy­laý ornatylyp, naqty esepke alý júr­gizil­ýi qajet.

Osyndaı suranystyń barlyǵyn sezine otyryp, Q.Toqaev bul jumysty Prezıdent Ákimshiliginen bastady. Azamattardan túsken ótinishterdi qaraýdy baqylaý bólimi qury­lyp, bul máseleni úılestirý men osynshama jaýapty baǵytqa jetekshilik jasaý isi Prezıdenttiń kómekshisi deńgeıine deıin kóterildi. Ondaǵy maqsat – azamattardyń muń-muqtajy men talap-tilekterin zerdelep, halyqpen tıimdi jumys isteýdiń jańa joldary men baǵyttaryn tabý. Atalǵan jumysqa basymdyq berý arqyly úsh másele qamtylyp otyr. Birinshiden, turǵyndardyń aryzdary áleýmettik zertteýdiń bir túri retinde qundy pikirler, ártúrli usynys pen alańdaýshylyqqa «baı» bolǵandyqtan, elde júrgizilip jatqan reformalardyń barysyndaǵy kezdesetin qatelikter men kemshilikterdi anyqtaý. Ekin­­­shi jaǵynan, qoǵamdyq ortadaǵy kóńil kúı, azamattardyń bılikke degen jalpy kózqarasyn seziný, jurttyń arasynda ortalyq jáne jergilikti atqarýshy organdardyń ju­my­­synyń sapasyna, qoǵam men memleket arasyndaǵy senimniń deńgeıine saraptama jasaý. Al úshinshiden, barlyq deńgeıdegi bılik qurylymdaryndaǵy oryndaýshylyq tártiptiń qanshalyqty dárejede engizilgendigi men jumys isteıtin­digin baǵalaý.

Sońǵy úsh jyldaǵy saıası reformalardyń keń kólemde júrgizilýi azamattyq belsen­di­likpen birge memlekettik organdar men uıymdardyń jaýapkershiligin arttyrýda. Ha­lyqtan kelip túsetin aryz-shaǵymdar men ótinishterdi qabyldaýǵa jáne olardy qaraýǵa myńdaǵan qyzmetkerler jumyldyrýda. Sondyqtan atalǵan úderis qatań baqylaýǵa alynyp, mundaı jumysty atqarýdyń biryńǵaı júıesi qalyptasa bastady deýge negiz bar. Buǵan jańa ákimshilik rəsimdik-prosestik kodekstiń qabyldanyp, memleket pen ótinish berýshilerdiń qarym-qatynastarynyń jań­ǵyr­tylýy óz yqpalyn tıgizýde. Osy Kodeks pen Zań arqyly azamattardyń ótinishterimen jumys isteýdiń ár qadamy, olardy baǵyttaý merziminen bastap sot isin júrgizýge deıin rettelgen. Nátıjesinde, Prezıdent Ákimshiligine baǵyttalǵan qujat­tar­dy qaraý tártibi naq­tylanyp, onyń árbir kezeńiniń ashyq­tyǵy qamtamasyz etilip, hat ıeleriniń múd­de­lerin memlekettik organdardyń «júgen­siz­diginen» qorǵaý múmkindigi paıda boldy. Mem­lekettik organdardyń is-áreketteri úshin ja­ýapkershiligin kúsheıtetin jańa norma qa­byl­dandy.

О́ıtkeni keıbir sala basshylary men ákim­der­diń óz jumystary týraly esepteriniń osy kúnge deıin jaǵdaıdy obektıvti, dál­me-dál kórsetip, onyń sapalyq jaǵyn kótere almaı otyrǵandyqtaryna halyq kýá. Sonymen qatar turǵyndar olardyń sózderiniń naqty ispen úılese bermeıtinin de kórip júr. Munyń oryn alýyna tapsyrmalardy baqylaýdyń nasharlyǵy men júıesizdigi sebepshi bolýda. Onyń basty sebebi sapalyq kórsetkishterge basymdyq berip, naqty nátıjelerge qol jet­ki­zý máselelerindegi olqylyqtarda jatyr. Al bul, óz kezeginde, adamnyń áleýmettik ál-aýqatyna keri áser etip, ony qolyna qalam alýǵa májbúr etýde. Sondyqtan bolar, ha­lyq­tyń tarapynan da baqylaýdy kúsheıtý maqsatynda aryzdanýshynyń óz hatyna qa­tys­ty alynǵan jaýabyna shaǵymdanýdyń tártibi engizilip, olardyń kópshiligi ádildikke qol jetkize alatyndaı múmkindik jasalyp otyr.

Sondyqtan búginniń talabyna saı shaǵym­dardy jeke qaraýdyń ornyna, olardy júıeli jáne keshendi túrde zerdelep, turaqty negizde jumys isteýge basymdyq berilýde. Bul qo­ǵamdyq damýdyń barlyq salasy men aı­maq­­tardaǵy oryn alyp otyrǵan túıtkil máse­le­lerdi anyqtaýǵa jaǵdaı jasamaq. Bul ju­mys­qa aqparat quraldarynda jaryq kóretin materıaldardyń da úlesi orasan zor. Máselen, «Egemen Qazaqstan» gazetinde «Prezıdent tapsyrdy: nátıje qandaı?» degen suraqqa jaýap retinde kúndelikti qanshama arnaıy saraptama jasalyp, usynystar aıtylýda. Osylaısha, el-jurt bolyp tize qosyp, jetistikterimiz ben halyqtyń kópshiliginiń basyna túsip otyrǵan ortaq problemalardy bıliktiń qulaǵyna jetkizýge bolady. Al ol halyq únine qulaq asyp, odan durys jáne ádil qorytyndylar jasaǵan kezde azamattar kótergen ótkir áleý­met­tik máseleler óz sheshimin taýyp, túbinde halyqtyń memlekettik organdarǵa degen kózqarasynyń da ózgereri sózsiz.