Qoǵam • 07 Tamyz, 2022

Qara jol qatelikti keshirmeıdi

46 ret kórsetildi

Jolda opat bolǵandar sany azaıar emes. Iá, osydan birshama ýaqyt buryn Kúıik asýyna jaqyn mańda 15 avtokóliktiń qatysýymen oryn alǵan jol-kólik oqıǵasy saldarynan 12 adam zardap shekse, bir azamat baqıǵa attanyp kete barǵan. Al shilde aıynda «Batys Eýropa – Batys Qytaı» avtojolynda bolǵan jol apaty kezinde úsh adam ómirmen qosh aıtyssa, taǵy úsh azamat aýrýhana tósegine tańylǵan edi.

Bar bolǵany alty aıdyń bede­rinde 700-den astam jol-kólik oqı­ǵasy tirkelipti. Oblystyq polısııa departamenti keltirgen derekterge zer salsaq, jol-kólik oqıǵasy saldarynan 128 adam ómirmen qosh aıtyssa, 1 100-den astam óńir turǵyny ártúrli jaraqat alypty. Bul kólik júrgizýshileriniń jol erejesin jıi buzatynyn aıqyndaı tússe kerek.

Quzyrly organ qyzmetkerleri san túrli túsindirý jumystaryn júıeli túrde júrgizgenine qaramastan, jol-kólik oqıǵalarynyń sıreıtin túri joq. Qaıta órship barady. О́tken jyl­dyń esepti merzimimen salystyra qa­rasaq, jol-kólik oqıǵalarynyń sany Qordaı, Turar Rysqulov, Merki, Jýaly, Moıynqum jáne Jambyl aýdandarynda aıtarlyqtaı ósken.

Derekterge zer salsaq, kóp jaǵ­daıda kólik júrgizýshileri kináli bo­­lyp shyǵady. Mamandardyń aıtýyn­sha, oqıǵalardyń 99 paıyzyna júr­gizýshiler aıypty eken. Olar kóbinese jyldamdyqty shamadan tys arttyrady, jol qıylystarynda ereje buzady. Odan bólek ózara ara qashyqtyqty saqtaýǵa kelgen­de de beıqamdyq tanytatyndar az emes. Al avtokólikti mas kú­ıin­de júrgizetinderdiń qarasy tip­ti kóp. Rýlge mas kúıinde jarmasa­tyn­dardyń kesirinen zardap shek­kenderdiń de qatary arta túsken.

Tártip saqshylarynyń jedel áre­ketteriniń nátıjesinde kólikti mas kúıinde júrgizgen azamattar laıyq jazalaryn alyp jatyr. Oblystyq polısııa departamenti keltirgen derekterge súıensek, búginge deıin ishimdik iship kólik júrgizgen 396 azamat anyqtalǵan. Olar 15 táý­likke qamalǵan, sondaı-aq 7 jyl boıy kólikti basqarý quqyǵynan aıyrylǵan. Jarty jyldyń bederinde 400-ge jeteǵabyl azamattyń quqyq buzýshylyq jasaǵany oılandyrmaı qoımaıdy. Ol az deseńiz, joldyń qarsy baǵytyna shyǵyp ketken 112 júrgizýshi 6 aı merzimge kólik júrgizý quqyǵynan shektelgen eken.

О́kinishke qaraı, qatelikten sabaq alyp, qorytyndy shyǵaratyndar bar­shylyq bolǵanymen, 16 azamat kólikti mas kúıinde qaıtadan qaımyqpaı basqarǵan. Zańǵa ba­ǵyn­baǵan álgindeı azamattar tıisti deń­geıde qylmystyq jaýap­kershilikke tartylǵan.

«Naqtyraq aıtar bolsaq, jol-kólik oqıǵalary júrgizýshiler men jaıaý júrginshilerdiń tártipke bas ımeý saldarynan artyp otyrǵany ras. О́z tarapymyzdan qaıǵyly jaǵ­daılardyń aldyn alý maqsatynda Taraz qalasy jáne qala syrtyndaǵy respýblıkalyq mańyzy bar avtomobıl joldarynda qyzmet etetin polısııa jasaqtarynyń kestesin qaı­ta qarap, búginde batalon bas­shy quramdarynyń esebinen avto­patrýlderdiń qataryn kóbeıttik. Jal­py alǵanda, jyl basynan bergi tekse­ris kezinde shetelderde esepte turǵan jalǵan kýáligi bar 22 kólik anyqtaldy. Atalǵan derekke qatysty Qylmystyq kodekstiń 385-baby boıynsha sotqa deıingi tergeý amaldary bastalyp, kólikter aıyp turaǵyna qoıyldy. Jol-kólik oqıǵalarynyń jıileýine Almaty, Shymkent qalasy, Túrkistan, Jambyl, Almaty oblystarynda tranzıttik kólik júrgi­zýshileriniń kóbeıgeni de áser etedi. Oblystaǵy respýblıkalyq avtojoldarda táýligine eki baǵytta 43 myńǵa jýyq avtokólik júrip jatyr. Onyń ishinde jeńil avtokólikter sany 36 myńǵa jýyq jáne 7 myńnan astamy aýyr júk kólikteri ekenin aıta ketken jón. Byltyrǵymen salystyrǵanda tranzıttik kólik sany 34 myńǵa kóbeıgen. Osy jyly polısııa departamenti jergilikti atqarý­shy organdarmen birlesip, oblystyń avtomobıl joldaryna 1 083 tekse­rý jumystaryn júrgizdi. Nátıjesin­de, jol qozǵalysyna keri áser etetin 8 336 kemshilik belgili boldy», deıdi ob­lystyq polısııa departamenti ­bas­­tyǵynyń birinshi orynbasary Erbol Taıbekov jaǵdaıdy túsindirip.

Jol qatelikti keshirmeıtinin bile tura, erejeni jıi buzatyndar azaıar­ emes. Saldarynan adam ólimi de jyl ótken saıyn arta túsken. Qysqa­sy, kólik júrgizýshileri Baýyrjan Mo­mysh­ulynyń: «Tártipke bas ıgen qul bol­maıdy, tártipsiz el bolmaıdy», degen sózin qaperde ustamasa, máseleniń ýshyǵa beretini túsinikti.

 

Jambyl oblysy

Sońǵy jańalyqtar

Munaı men teńge baǵamyndaǵy táýekelder

Ekonomıka • Búgin, 00:23

Áleýmettik qyzmetterdi damytý ózekti

Qazaqstan • Búgin, 00:21

Elektr qýatyn óndirý ulǵaıady

Aımaqtar • Búgin, 00:19

Saıası júıeni túbegeıli jańartý

Saıasat • Búgin, 00:14

Ulttyq qundylyqtardy ulyqtaý

Pikir • Búgin, 00:06

Atomǵa alańdaǵan álem

Álem • Búgin, 00:04

Bıznestegi áıelder úlesi

Bıznes • Búgin, 00:01

Yrysty molaıtqan naýqan

Ekonomıka • Keshe

AQSh-qa eksport artty

Ekonomıka • Keshe

Qandastardyń hali qalaı?

Qoǵam • Keshe

Engel zańy

Qoǵam • Keshe

Qymyzhanadaǵy mýzeı

Qoǵam • Keshe

Án oqý

Rýhanııat • Keshe

«Áselim» áni

О́ner • Keshe

Jyr alyby dáripteldi

Qoǵam • Keshe

Uqsas jańalyqtar