«Jyl saıyn maýsymnan qazanǵa deıin «Qarasora» aýqymdy operasııasy barysynda gashısh pen marıhýanany daıyndaý, saqtaý jáne satýdyń myńnan astam faktilerin anyqtaımyz. Arnaýy operasııanyń 2,5 aıynyń qorytyndysy boıynsha qazirdiń ózinde 607 esirtki qylmysy áshkerelendi. Onyń ishinde 299 satý, 76 saqtaý jáne 167 ósirý faktisi bar», dedi departament ókili mınıstrliktiń baspasóz qyzmeti alańynda ótken brıfıngte.
Danııar Oralovtyń dereginshe, zańsyz aınalymnan 2 tonna 690 keli esirtki zattary tárkilendi. Onyń ishinde 1 tonna 98 keli marıhýana, 113,3 keli gashısh, 19,3 keli sıntetıkalyq esirtki jáne 278 678 túp quramynda esirtki bar ósimdik, 60 tonnadan astam jabaıy qarasora joıyldy.
