Aımaqtar • 16 Tamyz, 2022

Moıynqumda mańyzdy máseleler aıtyldy

152 ret kórsetildi

Aqparat jáne qoǵamdyq damý mınıstri Asqar Omarov Jambyl oblysyna sapar barysynda birqatar kezdesý ótkizip, BAQ, ÚEU ókilderiniń usynystaryn tyńdap, turǵyndar kótergen máselelerge nazar aýdardy.

Aldymen mınıstr Taraz qala­syndaǵy oblys ákimdigi Din isteri basqarmasy men Din problemalaryn zertteý ortalyǵynda bolyp, aımaqtaǵy dinı ahýalǵa den qoıdy. Kezdesý barysynda ma­mandar aıtqan utymdy usynys­tardy tyńdap, saladaǵy ózekti máselelerdi talqylady.

Budan soń óńirdegi úkimettik emes uıym ókilde­rimen kezdesý ótkizdi. О́ńirde jeti júzden astam ÚEU bar, olardy tolǵan­dyratyn másele de jetkilikti.

Keıinnen mınıstr oblys jas­tarymen júzdesti. Jas býynǵa memleket tarapynan bólinip jatqan granttar men jastar saıa­satyna qatysty baǵdarlamalar týraly áńgimelegen Asqar Qýanyshuly jastardy belsendi bolýǵa shaqyrdy. О́z kezeginde óńir jastary volonterlik qyz­metpen aınalysý, granttarǵa qatysty saýaldaryn qoıyp, star­tap jobalaryn mınıstrdiń nazaryna usyndy.

Tarazdaǵy saparynyń sońyn­da A.Omarov Jambyl telearnasyna arnaıy at basyn buryp, respýblıkalyq jáne oblystyq BAQ ókilderimen júzdesti. Kez­desý barysynda oblystyq tele­ar­nanyń dırektory Meıir­jan Álibekuly, ardager jýrnalıst Jańabaı Mıllıonov, Taraz 24 telearnasynyń negizin qalaýshy Zarına Qýat bastaǵan ózge de jýrnalıster kókeıkesti máselelerdi kóterdi. Olar óńirdegi BAQ-taǵy qalamaqy máselesin, jýr­nalısterdiń mártebesi men quqyǵy, memlekettik tapsyrysqa qatysty túıtkilder tóńireginde áńgime órbitti. Sondaı-aq baspasózge jazylym naýqanynda týyndaıtyn qıyndyqtardy da jaıyp saldy. Áriptesterdiń áńgi­mesin muqııat tyńdaǵan mınıstr barlyq máselege qatysty óz oıymen bólisti.

Oblystyq Jambyl tele­ar­nasynyń dırektory Meıirjan Álibekuly jol­da­­ǵan saýalǵa ún qatqan mınıstr: «О́ńirdegi telearnalar jergilikti ákimdiktiń ıeligine ótýi kerek nemese Qazaqstan teleradıokorporasııasynyń qura­mynda bolýǵa tıis degen máselege qatysty naqty pikir aı­týǵa áli erte. Bul másele zerdelenip jatyr. Birqatar óńir­degi ákimdikter jergilikti telearnalardy qamqor­ly­ǵyna alǵysy kelse, keıbir óńir­degi ákimdikter áli de daıyn emes. Men jeke kózqarasymdy aıtsam, erteń áriptester ilip áketedi. Son­­dyqtan áliptiń artyn baǵa tu­raıyq», dedi ol.

Jaıshylyqta laýazymdy qyz­mettegi sheneýnikterdi tym sırek kóretin moıynqumdyq tur­ǵyndar aýdanǵa at basyn arnaıy burǵan mınıstrmen kezdesýge asyǵyp jetkeni baıqalyp turdy. Birde bir aýylyna kó­gil­dir otyn tartylmaǵan aýdan re­tinde jurtshylyqqa tanylǵan Moıynqumda máseleler shash etekten. Alaıda óńir basshysy 2025 jylǵa qaraı oblysta aýyz sý men kógildir otyn máselesi 100 paıyz sheshimin taba­tynyn aıtqan bolatyn. Moıyn­qumdyqtar solaı bolatynyna sengisi keledi...

Turǵyndarmen kezdespes bu­ryn mınıstr aýdandyq ortalyq meshitke bas suqty. Jergilikti ımam­dar mınıstrmen kezdesý ba­rysynda maman tapshylyǵyn aıtyp, jastardyń aýdanǵa kele bermeıtinin atap ótti. Jalpy, ımamdardyń jalaqysy azdaý ekenin de másele retinde kóterdi.

Halyqpen ótken kezdesý barysynda sóz alǵan A.Omarov Pre­zıdent Jarlyǵyna sáıkes óńir­lerdi aralap júrgenin jetkizdi.

«Álbette, bizdiń mınıstrlik negizinen BAQ, din, jastar saıasaty máselelerine basa nazar aýdarady. Degenmen búgingi kezdesýde barlyq salaǵa qatysty, tipti áleýmettik máselelerdi de erkin aıta berseńizder bolady. Sizder kótergen ózekti máselelerdi Úkimet múshesi retinde tıisti mınıs­trlik­terge jetkizip, oń sheshimin tabýy­na yqpal etýge tyrysamyn», dedi mınıstr.

Kezdesý barysynda A.Omarov mınıstrliktiń iske asyrǵan jobalary, atqarǵan jumystary men negizgi mindetteri týraly aıtyp berdi. Basqosý barysynda halyq mańyzdy máselelerdi kóterdi. Aýdan turǵyndaryn gaz, aýyz sý, uıaly telefon jáne ınternet baılanysy, jedel járdem, kópbalaly analardyń járdemaqysy máse­leleri tol­ǵandyrady eken. Má­selen, Qylyshbaı aýylynan kelgen zeınetker Sveta Sákıeva joldy asfalttaý, uıaly baılanys, aýyz sý sapasynyń jaıyna toqtaldy. Kezdesý barysynda Ulanbel

aýylyna ınternet aýadaı qajet ekeni de aıtyldy. A.Omarov jergilikti jerde sheshilýge tıisti máseleni aýdan jáne oblys ákimdigi ókilderimen birge talqy­lady. Al respýblıkalyq deńgeıde qaralatyn suraqtardy tıisti organdarǵa jetkizetinin aıtty.

Sonymen qatar aýdandyq «Moıynqum tańy» gazetiniń redaksııasynda bolyp, jergilikti tilshilerdiń tilegin tyńdady. Keıin­nen azamattardy jeke suraqtary boıynsha qabyldap, ótinishterine nazar aýdardy.

 

Jambyl oblysy

Sońǵy jańalyqtar

Munaı men teńge baǵamyndaǵy táýekelder

Ekonomıka • Búgin, 00:23

Áleýmettik qyzmetterdi damytý ózekti

Qazaqstan • Búgin, 00:21

Elektr qýatyn óndirý ulǵaıady

Aımaqtar • Búgin, 00:19

Saıası júıeni túbegeıli jańartý

Saıasat • Búgin, 00:14

Ulttyq qundylyqtardy ulyqtaý

Pikir • Búgin, 00:06

Atomǵa alańdaǵan álem

Álem • Búgin, 00:04

Bıznestegi áıelder úlesi

Bıznes • Búgin, 00:01

Yrysty molaıtqan naýqan

Ekonomıka • Keshe

AQSh-qa eksport artty

Ekonomıka • Keshe

Qandastardyń hali qalaı?

Qoǵam • Keshe

Engel zańy

Qoǵam • Keshe

Qymyzhanadaǵy mýzeı

Qoǵam • Keshe

Án oqý

Rýhanııat • Keshe

«Áselim» áni

О́ner • Keshe

Jyr alyby dáripteldi

Qoǵam • Keshe

Uqsas jańalyqtar