Memleket basshysy Qasym-Jomart Toqaevtyń elimizdegi monoqalalardy jan-jaqty damytýǵa baǵyttalǵan tapsyrmalaryn oryndaý maqsatynda, alpys jyldan astam tarıhy bar mádenıet pen ónerdiń qara shańyraǵy bıyl baıyrǵy gastroldik saparlaryn jańǵyrtatyn jańa jobanyń tusaýyn kesip, Roza Baǵlanova atyndaǵy memlekettik «Qazaqkonsert» konserttik uıymy 2022-2025 jyldarǵa arnalǵan jospary boıynsha el aýmaǵyndaǵy barlyq mono-qalalardyń, shalǵaıdaǵy eldi meken turǵyndary úshin qoljetimdi, sapaly mádenı shyǵarmalardy usynýǵa kiristi», dep atap ótti Roza Baǵlanova atyndaǵy memlekettik «Qazaqkonsert» konserttik uıymynyń dırektory Aqtoty Raıymqulova.
Shyǵarmashylyq ujymnyń gastrolderi QR Mádenıet jáne sport mınıstrliginiń jáne oblystardaǵy jergilikti atqarýshy organdardyń qoldaýymen «El birligi - Jańa Qazaqstan» ımıdjdik jobasynyń aıasynda sátti ótti.
Shyǵys Qazaqstan oblysyndaǵy saparynda atalǵan konserttik uıym án men kúıden turatyn kerýeni Rıdder, Serebrıansk, Altaı qalalarynda bolyp, mono-qalalardyń turǵyndarynyń ystyq yqylasyna bólendi.
«Bizdiń shaǵyn qalamyzǵa óner merekesin ala kelgen óner ujymyna alǵys bildiremiz. Roza Baǵlanova atyndaǵy memlekettik «Qazaqkonsert» konserttik uıymynyń bul gastroldik sapary tek ótkenimizdi óshirmeýge ǵana emes, óskeleń urpaqqa uly ónerimizdi ulyqtaýǵa úlken sep bolary anyq. Sondyqtan Roza Baǵlanovanyń búgingi izbasarlaryna aldaǵy ýaqytta ónerlerine tabys tileı otyra rahmetimizdi aıtamyz», dedi bir aýyzdan Shyǵystaǵy kórermender.
