Jalpy, 2022-2023 oqý jylyna magıstratýraǵa 13 myńnan astam grant bólindi. Grant konkýrsyna qujat joǵary oqý oryndarynyń qabyldaý komıssııalary arqyly dástúrli formatta jáne vırtýaldy komıssııalar arqyly onlaın qabyldandy.
«Birneshe jyl qatarynan ótinishterdiń kóbi «Pedagogıkalyq ǵylymdar», «Aqparattyq-kommýnıkasııalyq tehnologııalar» men «Bıznes, basqarý jáne quqyq» sııaqty baǵyttarǵa berildi. Qabyldaý naýqanynyń nátıjesine sáıkes bolashaqta qazaq tili jáne ádebıet, shet tili muǵalimderi, ınjenerler jáne dıplomattar arasynda bir granttyq orynǵa eń úlken konkýrs bolady degen boljam bar», dedi Ulttyq testileý ortalyǵynyń dırektory Rýslan Emelbaev.
Granttar taǵaıyndaý jónindegi sheshimdi respýblıkalyq konkýrstyq komıssııa qabyldaıdy. Komıssııa quramyna mınıstrliktiń, memlekettik organdardyń, bilim salasy kásipodaqtarynyń, QR Ulttyq kásipkerler palatasy, BAQ, Qazaqstannyń azamattyq alıansy jáne qoǵamdyq uıym ókilderi kiredi.
Bilim granty ıegerleriniń tizimi Ulttyq testileý ortalyǵynyń saıtynda jáne áleýmettik jelilerinde 25 tamyzǵa deıin jarııalanady. Joǵary oqý oryndaryna qujattardy tapsyrý 28 tamyzǵa deıin júzege asyrylady.
Bilim berý granttary Eńbek jáne halyqty áleýmettik qorǵaý mınıstrliginiń, sondaı-aq jumys berýshilerdiń kadr qajettiligi boıynsha derekteri negizinde bólingen.
