Qoǵam • 17 Tamyz, 2022

Qazaqstandyq jaýyngerdiń súıegi elge jetkizildi

57 ret kórsetildi

Soǵys jyldarynda maıdan dalasynda qaza tapqan qazaqstandyq jaýynger Qaleı Dúzbaevtyń súıegi Máskeýden Nur-Sultan qalasyna jetkizildi, dep habarlaıdy Egemen.kz Qorǵanys mınıstrligine silteme jasap.

«Qazaqstandyqtardyń maıdandaǵy erligi urpaqtyń jadynda máńgi saqtalady. Olar búgingi Otan qorǵaýshylar úshin muqalmas rýhtyń, qajymas qaırattyń, janqııar erliktiń jáne Otanǵa degen súıispenshiliktiń shynaıy úlgisi. Bizdiń birlesip atqaryp jatqan jumystarymyz batyr babalardyń erligin tarıhta saqtaýǵa, jastarǵa áskerı-patrıottyq tárbıe berýge edáýir úles qosatynyna senimdimin», dedi Qorǵanys mınıstri, general-polkovnık Rýslan Jaqsylyqov.s

1902 jyly Batys Qazaqstan oblysynda týǵan Qaleı Dúzbaevtyń jerlengen jerin 9 shildede Lenıngrad oblysynyń Tosnensk aýdanyndaǵy «Zaslon» izdeý jasaǵynyń músheleri tapqan bolatyn. Onyń kimge tıesili ekeni sarbaz medalonynda saqtalǵan jazbasyna qarap anyqtaldy.

«Atamnyn amanaty» izdestirý jasaǵynyń basqarma tóraǵasy Murat Moldaǵalıev atap ótkendeı, bul kúnderi Kalýjsk oblysyndaǵy áskerı-tarıhı ekspedısııaǵa qazaqstandyq birikken jasaq qatysyp jatyr. Ol eki el izdeýshileriniń birlesken jumysy jańa serpin alatynyna senimdi.

Maýsym aıynda qazaqstandyq úsh jaýynger – Tólegen Úrkerbaevtyń, Petr Abramovıch Fomenkonyń, Nıkolaı Matveevıch Gýrovtyń súıekterin elge jetkizý men qaıta jerleý rásimderi uıymdastyrylǵan.

Qaleı Dúzbaevtyń súıegin qaıta jerleý rásimi onyń týǵan jerinde áskerı qurmetke saı ótkiziledi.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar