Qoǵam • 17 Tamyz, 2022

Muǵalim – oqýshy – ata-ana: Bul úshtiktiń bala tárbıesindegi mańyzy ushan-teńiz

93 ret kórsetildi

Elordada Tamyz konferensııasy ótti. Bıylǵy is-shara ádettegideı muǵalimderge emes, ata-analarǵa arnaldy. Mınıstr, depýtat, qoǵam qaıratkerleri, sheteldik sarapshylar otbasy qundylyqtary, bala tárbıesi men bilim alýdaǵy ata-ananyń róli týraly oı qozǵap, pikir almasty.

Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa men «Senim Bolashaq» respýblıkalyq ata-analar qoǵamdyq birlestiginiń uıytqy bolýymen ótken konferensııaǵa Oqý-aǵartý mınıstri Ashat Aımaǵambetov, sondaı-aq oblystardan 700-ge jýyq belsendi ata-ana qatysty.

Osyǵan deıin mekteptegi bilim muǵalim jáne oqýshy arasyn jalǵasa, endi oǵan oqýshynyń ata-anasy da qosylady. Muǵalim – oqýshy – ata-ana úshtigi bir baılanysta bolmaq. О́ıtkeni sarapshylardyń aıtýynsha, búginde ata-analar mektep túgili balalarymen durys baǵytta qarym-qatynas ornatpaıdy.

«Y.Altynsarın atyndaǵy Ulttyq bilim akademııasy oqýshylar arasynda saýaldama júrgizdi. Onyń nátıjesi kórsetkendeı, ata-analardyń 60 pa-ıyzy balalarynyń oqý prosesine aralaspaıdy. Sondaı-aq jasóspirimder kitap oqymaıdy deımiz. Ol úshin biz aldymen kitaphanalardy kórkem ádebıetpen toltyrýymyz qajet. Al ata-analar bolsa balasyn kitap oqýǵa baýlý kerek. Balasymen birigip kitap oqyǵan ata-ananyń utary kóp. Buǵan qosa birigip tanymdyq baǵdarlamalar kórse, áserli ári balanyń jetilýine paıdaly. Osyndaı ata-analardyń balalarymen aralasýy sanaly, bilimdi urpaqtyń kóbeıýine ákeledi», dedi Oqý-aǵartý mınıstri Ashat Aımaǵambetov konferensııada sóılegen sózinde. Mınıstrdiń pikirinshe, adamǵa qa­jetti tereń bilim, otansúıgishtik, eńbekqorlyq qasıetteri muǵalim – oqýshy – ata-ananyń tyǵyz qarym-qatynasymen qalyptasady. Sondyqtan atalǵan vedomstvo osy baǵyttaǵy úshtiktiń baılanysyn arttyrýdy kózdep otyr.

«Bıylǵy oqý jylynan bastap mektepte ótetin ata-analar jınalysynyń formatyn ózgertip jatyrmyz. Eger muǵalim ár balanyń qaı pándi unata­tyny, biraq ony meńgerýde qandaı problemaǵa tap kelip jatqany týraly málimet berip otyrsa, ol ata-anaǵa óte mańyzdy aqparat bolar edi. Tek baǵany aıtyp shyqqannan bul áldeqaıda tıimdi. Jańa oqý jylynda osyndaı ju­mysty qolǵa alamyz», dedi Ashat Aımaǵambetov.

Sondaı-aq mınıstr oqý jylynyń 31 mamyrǵa deıin uzartylyp, 35-36 aptaǵa sozylatyny týraly aıtyp ótti. Bul sheshim óz kezeginde úsh aýysymdy mektepterdiń máselesin sheship, 5 kúndik sabaq ótkizýge jaǵdaı jasaıdy. Nebári 6 kúnge sozylǵan oqý jyly budan ózge de problemalardy ońtaılandyrmaq. «Senbi-jeksenbidegi is-sharalardy oqýshylarmen ǵana ótkizbeı, muǵalim de óz balasyna kóńil bólý kerek. 150 myń muǵalim demalys kúnderi el qatarly demalatyn bolady. Ata-analar da balalarymen ýaqyt ótkizý qajet. Osy kezde olardyń bir-birine degen qurmeti artady. Ásirese ata-analardyń muǵalimge degen qurmeti óte mańyzdy», dedi mınıstr.

Oqý jylyndaǵy ózgeris oqý­shy­lardyń jazǵy demalysyna áser etpeıdi, balalar 1 maýsym men 1 qyr­kúıek aralyǵynda demalady. So­nymen qatar kúzgi kanıkýl – 7 kún (2022 jylǵy 31 qazan – 6 qarasha ara­lyǵynda), qysqy demalys – 9 kún (2022 jylǵy 31 jeltoqsan men 2023 jylǵy 8 qańtar aralyǵynda), kóktemgi demalys 9 kún (2023 jylǵy 18-26 naýryz aralyǵynda) bolady.

Tamyz konferensııasynyń ata-analardyń qatysýymen ótýin qoldaǵan senator Dana Nurjigit mundaı is-shara jyl saıyn dástúrli túrde ótse degen usynysyn aıtty. «Pandemııanyń da qaıyry bar. Úıde otyryp ata-analar balalarymen áńgime-dúken quryp, syrlasyp, oı bólisýge múmkindik aldy. Balalarǵa keregi – ata-ananyń kóńil bólýi. Qazir barlyǵymyz jumysta otyrmyz, al balalarymyz bolsa árıne telefon, teledıdarǵa telmirip, ýaqyt ótkizip jatyr. Sondyqtan ata-analar balalary úshin eń mańyzdy tulǵa ekenin este saqtaý qajet», dedi depýtat.

Is-sharaǵa sondaı-aq halyqaralyq sarapshylar qatysty. EuroParents eýropalyq ata-analar birlestiginiń vıse-prezıdenti Aıvar Holler, Parents International kommersııalyq emes uıymynyń dırektory Eızter Solomon álemdegi otbasy saıasatyna qatysty keıstermen bólisti. «Árıne, Qazaqstan men Eýropanyń dástúri, mádenıeti, adamdary bir-birine uqsamaıdy. Alaıda otbasy, bala tárbıesi, ásirese bilimine kelgende ustanar baǵytymyz bir bolýy múmkin. Balanyń bilimine ata-anasy qaı ultta da kóńil bólýi qajet. Osyndaı ortaq qasıet bizdi baılanys­tyrady. Sondyqtan tájirıbe almasý mańyzdy bolyp otyr. Jalpy, ata-ana – balanyń eń basty oqytýshysy, ustazy. Ol ba­lanyń árbir isine aralasyp, jaýapty bolýy qajet. Alaıda ata-anaǵa da qoldaý qajet. Osy baǵyttaǵy uıymdastyrý saıasaty durys qurylsa, bilimdi urpaq qalyptasady», dedi Aıvar Holler.

Konferensııa sheńberinde fılologııa ǵylymdarynyń kandıdaty, abaıtanýshy Omar Jálel, otbasylyq psıholog Erjan Myrzabaev, psıhologııa ǵylymdarynyń doktory, áleý­mettanýshy, jazýshy Paata Amo­nashvılı semınar-trenıng ótkizdi.

Sońǵy jańalyqtar

Messı jeńiske jeteleı almady

Fýtbol • Búgin, 07:35

Shırek fınalǵa ótti

Tennıs • Búgin, 07:33

Tórtinshi orynǵa turaqtady

Tennıs • Búgin, 07:32

Jýrnalıster arasyndaǵy jarys

Qoǵam • Búgin, 07:30

Júldeniń aýyly alys emes

Sport • Búgin, 07:28

Shırek fınalǵa shyqqandar belgili

Sport • Búgin, 07:27

Barymtaǵa – «qarymta»

Qoǵam • Búgin, 07:25

Asyq atýdan álem chempıony

Ulttyq sport • Búgin, 07:24

Úzdik pedagogke – jeńil kólik

Bilim • Búgin, 07:22

Adam kapıtalyn arttyrýǵa arnalady

Ekonomıka • Búgin, 07:20

Jańa qundylyqtar – bılik ózegi

Pikir • Búgin, 07:18

Jańa reformaǵa senim zor

Pikir • Búgin, 07:16

Kóptiń kókeıindegini dóp basty

Pikir • Búgin, 07:15

Jol jaqsarmaı, is ońǵarylmaıdy

Pikir • Búgin, 07:13

Úmit sózi

Pikir • Búgin, 07:12

Bul – bolashaqtyń tańdaýy

Pikir • Búgin, 07:08

Ashyqtyqty arttyratyn ıgi ister

Qazaqstan • Búgin, 07:05

Quqyq ústemdigi – kelisim kepili

Qazaqstan • Búgin, 07:03

Judyryqtaı jumylý eldi jigerlendiredi

Saıasat • Búgin, 07:02

Erteńimiz úshin utymdy sheshim

Saıasat • Búgin, 07:00

Alashtyń aq joly ardaqtaldy

Saıasat • Keshe

Kemedeginiń jany bir...

Saıasat • Keshe

Kásip kózi – násip kózi

Ekonomıka • Keshe

Tuńǵysh tóraǵanyń toıy

Qazaqstan • Keshe

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar