Saıasat • 19 Tamyz, 2022

О́ńir turǵyndarymen kezdesti

30 ret kórsetildi

Senatorlardyń óńirlerdegi jumys saparlary jalǵasyp keledi. Máselen, Senat depýtaty Erik Sultanov taıaýda Soltústik Qazaqstan oblysynyń turǵyndarymen kezdesse, Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Volkov jumys sapary aıasynda Almaty oblysynyń Qarasaı aýdanyna bardy. Bul jóninde joǵarǵy palatanyń baspasóz qyzmeti habarlady.

Senator Erik Sultanov jumys sapary barysynda Shal aqyn aýdanynda Birlik aýylyndaǵy meshit qurylysynyń barysymen tanysyp, aýyl turǵyndarymen azamattardy tolǵandyratyn ózekti máselelerdi talqylady.

«Aýyldy damytý úshin zamanaýı tehnologııalardy engizý ǵana emes, kadr tapshylyǵy máselesin sheshý de mańyzdy. Jergilikti kadrlardy daıarlaý qajet. Búginde memlekettik baǵdarlamalar aýyl turǵyndarynyń eńbek kúshi tapshy aımaqtarǵa kóshýin kózdeıdi», dep atap ótti Erik Sultanov.

Sonymen qatar depýtat respýb­lıkalyq mańyzy bar A-16 Petropavl-Jezqazǵan jolynyń jaı-kúıimen jáne Jańajol aýylynyń birqatar áleýmettik nysannyń jumy­symen tanysty. Sondaı-aq sý qubyry jelilerin jóndeý jumystaryna nazar aýdaryp, bastalǵan istiń sapaly ári ýaqtyly aıaqtalýynyń mańyzdy ekenin atap ótti.

Kezdesý barysynda depýtat jer­lesterine Senattyń ótken sessııadaǵy jumysynyń qorytyndylary týraly aıtyp, qabyldanǵan zańdardyń negizgi normalaryn túsindirdi.

Al senator Vladımır Volkov Almaty oblysynyń Qarasaı aýdanynda bolyp, ákimshilik sottyń jumysymen tanysty. Sondaı-aq sýdıalarmen kezdesý ótkizip, sot tóreliginiń sapasyn arttyrýǵa jáne kadrlardy irikteýdi jaqsartýǵa qatysty máselelerdi talqylady.

«Sońǵy tórt jyldyń ishinde ǵana zań shyǵarýshy organ sot júıesin jańǵyrtýǵa baǵyttalǵan 33 zań qabyldady. Sot reformasynyń negizgi basymdyqtary sottarǵa degen senimdi arttyrý, sýdıalardyń joǵary kásibı deńgeıin jáne azamattardyń sot tóreligine qol jetkizýin qamtamasyz etý ekenin atap ótken jón», dedi Vladımır Volkov.

Sonymen qatar kezdesýge qatysý­shylar medıasııa ınstıtýtyn damytýǵa qatysty máselelerdi, sondaı-aq sot tóreliginiń sapasyn odan ári arttyrýdyń basymdyqtaryna nazar aýdardy.

Sońǵy jańalyqtar

Senbige arnalǵan aýa raıy boljamy

Aýa raıy • Búgin, 15:21

Uqsas jańalyqtar