Shymkent qalalyq jumyspen qamtý jáne áleýmettik qorǵaý basqarmasynyń basshysy Balmarjan Narbekova atap ótkendeı, aýdandyq ortalyqta búginde 20 qyzmetker qala turǵyndaryna qyzmet kórsetedi. Megapolıs mártebesin alǵaly qaladaǵy tórt aýdanda aýdandyq jumyspen qamtý ortalyqtary ashylyp, osy baǵytta sharalardy iske asyryp keledi.
Depýtattar Amanat partııasynyń 2021-2025 jyldarǵa arnalǵan saılaýaldy baǵdarlamasyn iske asyrý maqsatynda daıyndalǵan Jol kartasyn tıimdi júzege asyrý máselelerin pysyqtap, ataýly áleýmettik kómek taǵaıyndalǵan turǵyndar týraly keńinen aqparat aldy.
B.Bekjanovtyń aıtýynsha, ortalyq eńbek naryǵynda suranysqa ıe mamandyqtar boıynsha qysqa merzimdi kásiptik oqytýdy joǵary deńgeıde uıymdastyrǵan.
«Jetim balalar, múmkindigi shekteýli jandar, probasııa qyzmetiniń esebinde turǵan adamdar men bas bostandyǵynan aıyrý oryndarynan bosatylǵan azamattar jumyspen qamtylǵan. Osyǵan baılanysty elimizdegi jumyssyz júrgen azamattarǵa qoldaý kórsetip, eńbekke aralastyratyn ortalyqtardyń jumysyn arttyrý kerek», dedi depýtat.
Kezdesý barysynda jol kartasynda josparlanǵan agrokeshen aımaǵyn, jylyjaı, sondaı-aq stýdentterge arnalǵan jataqhanalardy ýaqytyly salý máseleleri talqylandy.
Al Májilis depýtaty Tilektes Adambekov Qaraǵandy oblysyndaǵy Abaı shahtasyna baryp, eńbek ujymymen kezdesti. Jıynda shahterler zeınetkerlik jasty tómendetý men eldegi azyq-túlik pen jyljymaıtyn múlik baǵasynyń ósýine shaǵymdandy. Depýtat zeınetkerlik jasty ózgertý máselesi Úkimette de, depýtattyq korpýsta da qaralyp jatqanyn jetkizdi.
