Bul týraly QR QM Memlekettik kirister komıteti málimdedi.
23 tamyzda «Qaplanbek» keden beketinde komıtettiń Ahýaldyq ortalyǵynyń qyzmetkerleri ınspeksııalyq tekserip-qaraý kesheniniń sýretterin taldaý kezinde málimdelgen qujattarda sáıkessizdik baryn anyqtady. Qujattarda málimdelgen «qarbyzdyń» ornyna sýrette sopaqsha pishindes taýar kórindi. Komıtettiń 2021 jylǵy 12 qarashadaǵy №722 buıryǵymen bekitilgen «Memlekettik kirister organdary laýazymdy tulǵalarynyń tekserip qaraý ıntroskopııalyq tehnıkasyn qoldanýy tártibine» sáıkes, MKK-niń Ahýaldyq ortalyǵy keden zańnamasyn buzýǵa kúdik týyndaǵan málimetterdi kedendik jiti tekserýge jiberdi.
Kedendik jiti tekserýdi júrgizý kezinde (Ahýaldyq ortalyqtyń beıne súıemeldeýi) «Qaplanbek» keden beketiniń qyzmetkerleri 62 tonna deklarasııalanbaǵan «qaýyn» taýaryn anyqtady. Syrtqy ekonomıkalyq qyzmetke qatysýshy 12 tonna «qaýyn» taýaryn jáne 66 tonna «qarbyz» taýaryn alyp ótpek bolǵan.
Endi mundaı qadamǵa barǵan azamat qoldanystaǵy zańnamamen jaýapkershilikke tartylady.
Sonymen qatar Memlekettik kirister komıteti bıznes-qaýymdastyqty qoldanystaǵy keden zańnamasyn múltiksiz saqtaýǵa kerektigin eskertti.
