2022 jylǵy 7 aıda memlekettik bıýdjetke salyq túsimderi boıynsha jospar 104,6% oryndaldy. Jospar boıynsha 7 740,9 mlrd. teńge, 352,2 mlrd. teńgege asyra oryndalyp, naqty túskeni - 8 093,2 mlrd. teńgeni qurady.
Onyń ishinde:
- Respýblıkalyq bıýdjet 100,3% oryndaldy (jospar boıynsha 5 417,9 mlrd.teńge, 18,1 mlrd. teńgege asyra oryndaýmen 5 436,1 mlrd. teńge tústi), ótken jylǵy sáıkes kezeńmen salystyrǵanda 1,6 ese nemese 1 934,6 mlrd. teńgege ósti.
- Jergilikti bıýdjet 114,4% oryndaldy (jospar boıynsha 2 323,0 mlrd.teńge, 334,1 mlrd. teńgege asyra oryndaýmen 2 657,1 mlrd. teńge tústi) 2021 jylǵy sáıkes kezeńmen salystyrǵanda 30,6% nemese 622,4 mlrd. teńgege ósti.
«2021 jylǵy sáıkes kezeńimen salystyrǵanda respýblıkalyq bıýdjetke túsimderdiń eń kóp somasy korporatıvti tabys salyǵy boıynsha 731,2 mlrd. teńgege nemese 1,8 ese, munaıǵa salynatyn eksporttyq keden bajdary boıynsha 490,7 mlrd. teńgege nemese 1,9 ese, ishki óndiris taýarlaryna qosylǵan qun salyǵy 333,9 mlrd. teńgege nemese 1,7 ese, úshinshi elderden ımportqa qosylǵan qun salyǵy 199,8 mlrd. teńgege nemese 46,0%-ǵa, EAEO elderinen ımportqa qosylǵan qun salyǵy 90,2 mlrd. teńgege nemese 18,9%-ǵa jáne paıdaly qazbalar óndirisine salyq 71,1 mlrd. teńgege nemese 35,1%-ǵa óskeni baıqalady», delingen komıtet taratqan habarlamada.
Túsimderdiń ósýine mynadaı faktorlar áser etti.
2022 jyly 7 aıda ótken jylǵy uqsas kezeńmen salystyrǵanda negizgi eksporttyq pozısııalarǵa, onyń ishinde munaıǵa 63,3%, myryshqa 30,9%, alıýmınııge 30,6%, qorǵasynǵa 5,5%, mysqa 3,2% jáne altyn 2,6% baǵanyń ósýi baıqalady. Shıki munaıǵa salynatyn kedendik áketý bajynyń mólsherlemesi 53,1%-ǵa ósti (1 tonna úshin ortasha mólsherlemesi 2021 jylǵy 7 aıynda – 57,9$, 2022 jylǵy 7 aıynda 1 tonna úshin – 88,6$).
Sondaı-aq aǵymdaǵy jylǵy 7 aıda úshinshi eldermen taýar aınalymy 48,9%-ǵa ósti (eksport 61,1%-ǵa, ımport 21,7%-ǵa ósti).
О́tken jylǵy uqsas kezeńimen salystyrǵanda 2022 jylǵy 6 aıda ótkizý boıynsha aınalym 18,4%-ǵa ulǵaıdy (51 627 mlrd. teńgeden 61 140 mlrd. teńgege deıin).
