Kásibı mamandar men velosport áýesqoılary 20 shaqyrymdy eńserdi. 20-shy shaqyrymda ártúrli jastaǵy 700-ge jýyq veloshabandoz Qosshy jaqqa qaraı aınalyp ótip, Úrker (Ilınka) turǵyn alabynyń saıabaǵynda márege jetti. Jarys aıaqtalǵannan keıin márede tirkelgen velosıpedshiler arasynda baǵaly syılyqtar oınatyldy.
«Jyl saıyn qysta shańǵy, al jazda velosıped tebýge qatysamyz. Túrli marafondarǵa da qýana qatysamyz. Jubaıym 21 km júgirip ótti, al men 10 km júgirdim. Jaqynda otbasymyzben «Sen meniń júregimniń chempıonysyń» marafonyna qatystyq. Meniń balalarym eki shaqyrym júgirdi, al biz 10 shaqyrym júrdik», dedi velosherýge qatysýshy Aınash Jaqypova.
Velosherýdiń basty maqsaty - salaýatty ómir saltyn nasıhattaý jáne qala turǵyndaryn belsendi dene shynyqtyrýmen, atap aıtqanda velosportpen aınalysýǵa tartý.
Aıta ketsek, bul mereke kúnderi ótkizilgen jalǵyz sporttyq is-shara emes. Elorda turǵyndary men qonaqtary ortalyq saıabaqtaǵy shańǵy-rollerlik trassada ótken skandınavııalyq júris festıvaline de belsene qatysty.
