«Lýkoıl» AQ Dırektorlar keńesiniń tóraǵasy Ravıl Maganovtyń aýyr naýqastan keıin qaıtys bolǵanyn qaıǵyryp habarlaımyz. Ravıl Ýlfatovıch kompanııanyń damýyna ǵana emes, búkil Reseıdiń munaı-gaz salasynyń damýyna úles qosty», delingen habarlamada.
Aıta keteıik, bir kún buryn Máskeýdegi Marshal Tımoshenko kóshesindegi Ortalyq klınıkalyq aýrýhana ǵımaratynyń janynan Ravıl Maganovtyń máıiti tabylǵan bolatyn. Top-menedjer altynshy qabattyń terezesinen qulap ketken degen boljam bar.
67 jastaǵy Maganov «Lýkoıl» kompanııasynda 1993 jyldan beri vıse-prezıdent bolyp jumys istegen. 2006 jyly «Lýkoıl» kompanııasynyń birinshi atqarýshy vıse-prezıdenti boldy. Ol 2020 jyldan beri dırektorlar keńesin basqardy.
