«Áleýmettik jelilerde paıda bolǵan jarııalanymdardy taldaý jáne tekserý barysynda aqparattyń shynaıylyǵy rastalmady. Osylaısha Almatyda baspanasyz qalǵan stýdentter týraly aqparatty joqqa shyǵaramyz. Túngi ýaqytta kóshede júrgen jastar beınelengen vıdeorolıktiń shyǵý tegi belgisiz», delingen mınıstrliktiń Facebook paraqshasynda.
Vedomstvo málimetinshe, ýnıversıtetter shákirtterdi jataqhanadaǵy oryndarmen qamtamasyz etýde. Sondaı-aq qajet bolǵan jaǵdaıda oryn jetpegen stýdentter hostelder men qonaqúılerge ornalastyrylady.
«Ǵylym jáne joǵary bilim vıse-mınıstri Qýanysh Erǵalıev stýdentterdi jataqhanamen qamtý máselesi tolyq sheshilgenshe Almatyda bolady. Ol jaǵdaıdy tikeleı baqylaýynda ustaıdy», delingen jazbada.
